اشترك
Buy Neuth France products

خسارة الوزن بدون دايت

0

علشان تحصل على وزن مثالى و صحى بأستمرار خلينا نتعرف على العادات اللى ممكن نخليها

جزء فى نظام حياتنا و هتساعدنا فى تحقيق هدفنا :

 

1- انك تغير طريقتك فى الأكل بحيث أن تحدد وقت للوجبة حوالى 20 دقيقة وتمضغ أكلك بشكل كويس وده

هيخليك تأكل كميات أقل و تحس بالشبع وهيخلى وزنك يقل بالتدريج لأن ببساطة لما بناكل بسرعة المعدة

مش بيكون عندها وقت علشان توصل أشارة بالشبع و ده بيخلينا نأكل كميات أكبر من أحتياجنا.

 

2- النوم لفترات كافية بيساعد على تقليل الوزن لأنه بيستبدل أنشطة الخمول للجسم ده غير أن الطبيعى

الشخص اللى بينام أقل من 7 ساعات يوميا بيحس بالجوع بشكل أكبر.

 

زود لنفسك كمية الخضار مع وجبة العشاء  ودى من أكبر الحيل اللى بتساعد فى التخسيس أكل كميات كبيرة من الخضار أو الفاكهة  بسبب كمية الماء و الألياف اللى بيحتوا عليها مع طبعا سعرات حرارية منخفضة و طبعا بيفضل تحضيرهم من غير أضافة دهون انما يتحضروا مع أضافة عصير الليمون و الأعشاب.

 

3- عود نفسك على الشوربة مع أكلك اليومى اللى هتشبعك مع سعرات قليلة زى شوربة التورتيلا أو الشوربة

الصينية ,طبق الشوربة بيبقى مفيد جدا وبيساعد أنه يبطىء أكلك و يحد من شهيتك ومن الأفضل طبعا أضافة

الخضروات للشوربة و البعد أن شوربة الكريمة أو الشوربة اللى بتحتوى على كمية عالية من الدهون.

 

4- تناول الحبوب الكاملة زى الأرز البنى و الشعير و الشوفان  و الحنطة السوداء والقمح الكامل ودول هيساهموا

بشكل كبير فى التخسيس ده غير فى تحسين معدل الكوليسترول و متوفرين دلوقت فى أكتر من منتج زى

الفطائر و الكيك الانجليزى و المكرونة وخبز القمح الكامل .

 

5- علقوا لبسكوا القديم اللى بتحبوه قدام عينيكوا بحيث أن ده يدى حافز كبير أنكم هتقدروا تلبسوه تانى و

الأفضل مثلا أنه يكون لبس السنة اللى فاتت أو ميكونش صغير قوى بحيث أنه يكون هدف تحقيقه ممكن مش

تعجيزى.

 

6- فى أختيارك للبيتزا أختار البيتزا الأفضل لصحة جسمك ووزنك زى أنها تكون بالخضار بدل اللحوم الزيادة و تكون

رفيعة وأختار البيتزا من غير جبن أو مضاف ليها جبن دهونها قليلة .

 

7- التقليل من كمية السكر و المشروبات الغازية اللى سكرها عالى و ممكن أستبدالها بمشروبات سعراتها

الحرارية قليلة

 

8- أعمل لنفسك خدعة بسيطة و أستخدم أكواب طويلة ورفيعة مع عدم ملئها للأخر  لشرب العصائر

والمشروبات الغازية أو الكحولية  بدل من الأكواب القصيرة و العميقة لأن الدراسات  أثبتت أن الأشارات البصرية

بتخدع لما بنشرب فى أكواب قصيرة و بنشعر أنها كمية قليلة و العكس صحيح و ده ممكن يخلينا نشرب كميات

أكبر .

 

9- شرب الشاى الأخضر بأنتظام هيساعد كتير فى تخسيس الوزن لأنه  بيزود من سرعة حرق السعرات

الحرارية لأنه بيحتوى على مضادات الأكسدة .

 

10- الأشخاص اللى بيمارسوا رياضة اليوجا بيكون وزنهم أقل من الأخرين ,كتير من الدراسات أثبتت أن ممارسة

اليوجا بيخليك أكثر ادراكا لتناول الطعام لأنها بتخلى الشخص يأكل أقل ويحس بالشبع و ده ناتج من الوعى

الذاتى اللى اليوجا بتمد بيه الأشخاص اللى بيمارسوه .

 

11-محاولة الالتزام للأكل بالمنزل على الأقل لمدة 5 أيام فى الأسبوع  فتحضير الطعام فى المنزل صحى أكثر و

بيساعد بشكل أكبر فى فقدان الوزن.

 

12-مضغ لبان ذو نكهة قوية علشان تجنبك الأكل مابين الوجبات و خصوصا فى الأوقات اللى ممكن تحزنا للوجبات

دى زى الأوقات اللى بتبقى قدام التليفزيون أو قدام الكمبيوتر .

 

13-أختار طبق يكون حجمه صغير بدل الأطباق الكبيرة فبشكل طبيعى هتملاه بكمية أقل وهتأكل الكمية

الصغيرة وهتحس بردوا بالشبع.

 

14-وضع كميات فى الطبق أقل من الكمية اللى هتحتاجها ب20% هيكون من العادات الصحية لأن الدراسات

أثبتت أن المخ مش بيحس بالفرق ده و بيحس بالشبع.

 

15-أختيار صوص الطعام اللى بيحتوى أكثر على مواد غذائية زى الطماطم و مايكونش بيحتوى على دهون كتير

زى الصوص الكريمى مثلا لأن سعراته الحرارية هتبقى عالية.

 

16-تناول الأطعمة النباتية و الخضروات بكمية أكبر من اللحوم لأنها بتحافظ على الوزن و صحية و بتحتوى على

نفس القيمة الغذائية.

 

17-حاول أنك تخسر يوميا 100 سعر حرارى من خلال الأنشطة اليومية زى المشى لمدة 20 دقيقة أو الجرى

لمدة 10 دقائق أو تنظيف المنزل لمدة 30 دقيقة.

 

18-التشجيع المستمر لما تكتسب عادة صحية جديدة أو خسارة الوزن و قدم لنفسك مكافأة تكون بتحبها

علشان تستمر .

Share.

Comments are closed.