اشترك
Buy Neuth France products

اديهم ..طعم ..الحياة

0

فيروس شلل الأطفال :

 فيروس شلل الأطفال ( polio virus )  واحد من الأمراض الفيروسية المعدية اللى بتصيب الجهاز العصبى

للأطفال من  أكتر من الكبار وبيبدأ من عدوى بسيطة الى شلل رخوى فى الأطراف و خصوصا الأطراف السفلى

من الجسم ويدخل الفيروس الجسم عن طريق الفم أو الأنف  وممكن يسبب الشلل أو الوفاة فى خلال ساعات .

 

العدوى بمرض شلل الأطفال :

 بيتنقل المرض من طفل مصاب لطفل أخر أو عن طريق الأشخاص حاملى المرض واللى ممكن

جدا أنهم يكونوا غير مصابين لكن بيحملوا المرض من مدة طويلة  و بتختلف الطرق اللى بيتنقل

بيها مرض شلل الأطفال :

1- أنتقال العدوى عن طريق الأنف فى التنفس .

2- عن طريق الماء أو الغذاء الملوثيين.

3- الرذاذ المتناثر عن طريق الفم من خلال السعال أو العطس.

4- الأحتكاك بفضلات الطفل المصاب بشلل الأطفال أثناء فترة المرض.

5- التلامس المباشر مع الشخص المصاب.

 

أعراض مرض شلل الأطفال:

بيبدأ مرض شلل الأطفال فى الظهور بأعراض الحمى والتعب و الصداع و القىء و الأسهال و تشنج العضلات و

تصلب الرقبة و آلم فى الأطراف  شدتها وبتختلف أعراض المرض ف وفى المراحل المتأخرة منه بيهاجم الجهاز

العصبى المركزى أحيانا بصورة خفيفة و أحيانا بيسبب الشلل .

 

الوقاية من مرض شلل الأطفال:

 لا يوجد أى علاج طبى للشفاء من مرض شلل الأطفال لكن دور الأدوية بيكون فى التخفيف من بعض العوارض أو

تحفيز العضلات أو لعلاج التشنج من أجل ارخاء العضلات لكن طبعا الأفضل هو تجنب الأصابة بالمرض من البداية

وده بيكون عن طريق التطعيمات الخاصة واللى بتحمى من الأصابة بالمرض مدى الحياة:

– (inactivated polio vaccine-ipv)  وده بيكون من فيروس معطل.

– (oral polio vaccine-opv)   وده مأخوذ من فيروس حى وبيسمى اللقاح الفموى لشلل الأطفال .

 بيتم التطعيم ضد مرض شلل الأطفال على فترات زمنية مختلفة وساهمت التطعيمات دى فى القضاء على

مرض شلل الأطفال تقريبا بنسبة كبيرة .

 

المبادرة العالمية للقضاء على مرض شلل الأطفال :

–  بدأت من عام 1988 ,أعتمدت جمعية الصحة العالمية قرارا بأستئصال شلل الأطفال فى جميع انحاء العالم

 فأطلقت المبادرة العالمية لأستئصال شلل الأطفال برعاية كل الحكومات الوطنية ومنظمة الصحة العالمية و

منظمة الروتارى الدولية و مراكز الولا يات المتحدة الأمريكية لمكافحة الأمراض  والوقاية منها واليونيسيف .

 

– شهدت نسبة الحالات المرضية انخفاضا بنسبة أكبر من 99% و لم يعد موجودا الا فى ثلاثة بلدان فى العالم

وهى نيجيريا و باكستان وأفغانستان وبيزيد عدد الأطفال اللى كان مفترض أصابتهم بشلل الأطفال ولكنهم

يمشون على أرجلهم الأن على 10 ملايين طفل.

 

التطعيمات ضد مرض شلل الأطفال :

 لحماية صحة الطفل من التعرض للأصابة بمرض شلل الأطفال فى مجموعة من التطعيمات للمرض اللى

بتفرضها وزارة الصحة فى مراحل الطفل الأساسية و اللى من الضرورى الألتزام بيها :

         1- خلال أول 15 يوم ودى بتسمى بالجرعة الصفرية .

         2- بعد اتمام شهرين ودى بتبقى الجرعة الأولى ضد شلل الأطفال.

         3- بعد 4 شهور ودى الجرعة التانية ضد شلل الأطفال.

         4- بعد 6 شهور ودى الجرعة الثالثة ضد شلل الأطفال.

         5- فى عمر 9 شهور ودى الجرعة الرابعة ضد شلل الأطفال.

         6- فى عمر 12 شهر ودى الجرعة الخامسة ضد مرض شلل الأطفال.

         7- فى عمر  18 شهر جرعة تحصينية ضد شلل الأطفال .

         8- من 4-6سنوات جرعات تكميلية بتحددها وزارة الصحة.

Share.

Comments are closed.