اشترك
Buy Neuth France products

اكتساب الوزن والتخلص من النحافة

0

كتير من الناس مش شايفين ان  النحافة مرض المفروض علاجه ، لكن النحافة الشديدة مرتبطة بكتير من

الامراض زى سوء التغذية والانيميا وهشاشة العظام وعدم قدرة الجسم على التحمل بشكل عام.

عشان كده الوزن المثالى واكتساب الوزن للنحفاء شىء ضرورى ، والمفروض نتبع الطرق الصحية ديه :

 

1-تقسيم الوجبات الى خمس أو ست وجبات فى اليوم :

لو كنت بتشبع بسرعة من الافضل انك تقسم وجبات الطعام الى 6 وجبات متوسطة الحجم على مدار

اليوم أفضل من وجبتين أوثلاثة حجمهم كبير ومتقدرش تاكلهم وتحتوى كل وجبة على البروتين والنشويات

والخضراوات والدهون . 

2- اختار الاطعمة الغنية بالمغذيات :

مش معنى انك عايز وزنك يزيد انك تاكل الوجبات السريعة والحلويات ، لكن المفروض انك تدور على

الاطعمة الغنية بالمغذيات وكمان اللى بتحتوى على سعرارات حرارية عالية مثل الخبز الكامل , المكرونات،

الارز ، الحبوب , الفواكة والخضراوات , منتجات الألبان (النصف دسم) واللحوم الحمراء والدهون الصحية مثل

المكسرات  و زيت الزيتون والأسماك


3- استبدل القهوة والصودا بالعصائر الطبيعة و خليط الفاكهة

استبدل المشروبات قليلة السعرات الحرارية بالعصائر الطبيعية الأعلى فى السعرات وخليط الفاكهة باللبن

المنزوع الدسم .. ..لكن اشرب المشروبات قبل أو بعد الوجبة بنصف ساعة لكن مش مع الوجبة عشان

ماتحسش انك شبعان وماتعرفش بعدها تاكل وجبتك .

 

4- اضف المزيد من السعرات بين الوجبات :

الوجبات السريعة السناكس خليها مغذية وغنية بالسعرات الحرارية مثل المكسرات ,الفواكة المجففه

(المشمش والتوت البرى) الجبن، سندوتش من المربى مع زبدة الفول السودانى أو نصف كوب من اللوز

مع نصف كوب من الزبيب


5-تمارين بناء العضلات :

ممارسة التمارين بشكل عام بتزود الشهية وممارسة تمارين القوة مثل رفع الأثقال هتساعدك على زيادة

الوزن عن طريق تكوين كتله عضلية مع اكلك للغذاء اللى بيحتوى على  البروتين وممكن مباشرة بعد

التمرين تشرب مشروب الشيكولاتة باللبن المنزوع الدسم . وممارسة تمارين القوة مش للرجال بس

وللبنات أيضاً.. إذا كنتى عايزة تزودى وزنك إستخدمى أثقال خفيفة مناسبة ليكى ومارسى التمارين مرتين

بس فى الاسبوع

 

6-الاطعمة الغنية بالسعرات الحرارية :

– ممكن تاكل اللوز وعين الجمل , الفول السودانى , الحمص , اللب , الأفوكادو والزيوت النباتية  وتضيف

كمية أقل من الدهون الحيوانية مثل منتجات الألبان والأجبان واللحوم الحمراء ولو كان عندك  نسبة

الكوليسترول منخفضة أو طبيعية ممكن تضيف كميات أكبر من الدهون الحيوانية .

– الفواكه المجففة مصدر رائع للسعرات مثل الزبيب والمشمش المجفف والقراصيا وممكن تاكلها مع الزبيب

أو مع السلطات أو مع خليط المكسرات أو حتى بمفردها.

– استخدم التوابل اللى بتحبها لزيادة الشهية مثل الكمون والفلفل الأسمر والحبهان.

– الأطعمة المقلية ممكن تاكلها لو انت مش بتعانى من مشاكل فى المعدة ولكن الأفضل أنك تقلى

الأطعمة بكمية قليلة جداً من الزيوت ولو كنت عايز تاكل وجبة سريعة فالبيتزا بالجبن هى خيار صحى

وغنى بالسعرات الحرارية

 

ملاحظات بسيطة لزيادة الشهية

– لما تكون مش عايز تاكل ممكن تخرج  تتمشى فى الهواء شوية ، لما ترجع هتحس انك جعان

– المشروبات حتى الماء ممكن تخليك شبعان ومفيش مساحة للطعام فماتاكلش كويس عشان كده خلى

المشروبات قبل او بعد الوجبة بنصف ساعة.

– الطعم الحلو للفاكهة بيزود الشهية خصوصاً لو كانت فى شكل مخلوط سهل الهضم ممكن تاكلها قبل

الوجبة لتحفز الشهية    

Share.

Comments are closed.