اشترك
Buy Neuth France products

سيمفونيه النوم المزعجه

0

ازاى تخلص من الشخير وقت النوم:

الشخير ….. مشكلة كبيرة مش بس علشان الازعاج اللى بيسببه ليك او للى حواليك لكن كمان ممكن

يسبب توقف للتنفس فى أوقات أثناء النوم وده بيزود خطر الاصابة بأمراض القلب.

فقبل ما تضطر تروح للدكتور وتأخد أدوية وتعرض نفسك لأمراض كتير فى شوية نصائح هتساعدك انك

تتخلص من التشخير و أنت نايم:

تغيير وضعك أثناء النوم :

النوم على الظهر بيخليك فى وضع انك تصدر صوت و أنت نايم لكن لو نمت على جنبك ممكن يمنع ده وممكن

كمان انك تستعين بوسادة الجسم اللى بتكون فى حجم كافى أنها تخلك  تقدر تنام على جنبك.

خسارة الوزن :

ممكن تساعد بعض الناس للتخلص من الشخير لكنها مش قاعدة عامة ,فلو كنت وزنك زاد من فترة قريبة وبدأت

تشخر حديثا فخسارة الوزن ده هتساعدك كتير.

تجنب الكحوليات :

شرب الكحوليات والمسكنات الكتير و خصوصا قبل النوم بيؤدى مباشرة الى التشخير.

النوم الصحى :

ساعات النوم لأزم تكون كفاية لأن البقاء فى العمل و بذل مجهود كتير وقلة فترة النوم بيسبب الشخير بمجرد ما

تروح للنوم لأن الجسم يحاول يعوض الأرهاق بتاعه و ممكن يسبب نفس تأثير تناول الكحول.

فتح الجيوب الأنفية :

لو كان الشخير بيبتدى معاك من الأنف فده معناه انك تحاول تحافظ على الفتحات الانفية دون انسداد هيساعد

الهواء على التحرك من خلالها ابطأ و ده هيمنع الشخير ,ممكن يساعدك على كده انك تاخد حمام سخن قبل

النوم و استخدام ازازة ماء مالحة (محلول ملحى) و ممكن كان استخدام شرائط الانف.

تغيير الوسادة :

بعض المواد اللى بتسبب الحساسية و البكتريا ممكن تكون موجودة فى أوضة النوم و ده بيكون سبب للتشخير

أو ممكن كمان السماح للقطط و الكلاب بالنوم معاك فى نفس السرير  فمهم جدا انك تحط الوسادة فى الهواء

مرة كل أسبوعين و تغيرها كل 6 شهور و أوعوا تنسى ان الحيوانات لازم تكون بره أوضة النوم.

الاحتفاظ بالسوائل:

شرب السوائل الكثير كالماء و العصائرهام جدا للتخلص من الشخير . 

Share.

Comments are closed.