اشترك
like Sofy on Facebook

علشان صحة بشرتك

0

المحافظة على الجلد و البشرة من أشعة الشمس ومن أى أضرار بتواجهها مهم جدا وبيعتبر

عنوان لجمالك و صحتك فى نفس الوقت ,ومع خروجك كل يوم للشارع سواء رايحه الشغل او

الجامعه بتتعرض بشرتك للأتربه والحرارة دة غير الاجهاد البدنى والنفسى اللى ممكن يصيبك ..

كل دى عوامل بتأثر على اشراقه وجهك ونضارة بشرتك …خلينا نتعرف على مجموعة من المواد

الغذائية المهمة و اللى بتساعد كتير فى المحافظة على صحة البشرة و الجلد :

 

 

زيت جوز الهند :

واحد من أغنى العناصر بالزيوت المشبعة و حمض اللوريك و مضاد قوى للجراثيم و الفيروسات اللى بتحمى من

الفيروسات والاصابة بها و حب الشباب و الالتهابات .كمان زيت جوز الهند غنى بالأحماض الدهنية و فيتامين E

 اللى بيحافظوا على بشرتك رطبة وناعمة و بلا تجاعيد.

 

الشاى الأخضر :

الشاى الأخضر غنى جدا بمضادات الأكسدة و الحمض الأمينى و  الثيانين اللى بيساعد على استرخاء الجسم

و تقليل التوتر و الضغط وطبعا ده غير فوائد الشاى الأخضر فى مكافحة الألتهابات و السرطان و ضغط الدم.

 

البذور :

بذور شيا وبذور القنب وبذور عباد الشمس و بذور اليقطين وبذور الكتان مهمين جدا للجلد و البشرة فمثلا بذور

اليقطين و عباد الشمس غناى بالسيلينيوم و فيتامين E والماغنسيوم والبروتين  ,بيساعد السيلينيوم و

البروتين أنهم يحموا من التجاعيد وفيتامين E  بيزود الرطوبة فى الجلد أما الماغنسيوم فبيقلل من معدلات

القلق و التوتر انما بذور القنب و شيا و الكتان فغنية بالأحماض الدهنية اللى بتواجه الجفاف و حب الشباب

وبتكون كمان غنية بالبروتين .

فى طرق كتيرة ممكن ندخل بيها البذور فى أكلنا علشان نستفيد منها زى مثلا انها تترش على السلطة أو فوق  

وجبة الشوفان أو للزبادى وكمان هنستمتع بطعمها فى الأكل.

 

فاكهة البابايا :

البابايا واحدة  من الفواكه الجميلة و الغنية بكتير من الفوائد الغذائية ,البابايا فاكهة الجمال فهى تحتوى على

فيتامين C و E وعلى البيتاكاروتين اللى بيقللوا من الالتهابات و حب الشباب وبيحموا الجسم من الأضرار الناتجة

عن أشعة الشمس .

فاكهة البابايا ليها فوائد تانية زى انها بتساعد فى الريجيم  ومفيدة كمان للهضم وسعراتها الحرارية قليلة .

 

الجزر :

الجزر مهم جدا للجلد لأنه بيعمل على ازالة الحبوب وغنى جدا بفيتامين A اللى بيمنع زيادة أنتاج الخلايا فى

طبقة الجلد الخارجية عن حدها الطبيعى وبيحد كمان من الأصابة بسرطان خلايا الجلد .

Share.

Comments are closed.