اشترك
Buy Neuth France products

البروتينات و المكملات الغذائية

0

بودرة البروتين :

بودرة  البروتين موجودة بأشكال مختلفة ومن أشهرها مصل اللبن ( بروتين حليب ذائب فى الماء و بيحتوى

على معظم  الأحماض الأمينية اللى بيحتاجها جسم الانسان) والصويا (وبيكون مفضل أكتر للشخص النباتى )

وبروتين الكازين .

– بودرة البروتين بقيت متوفرة بأسعار كتير و مختلفة وممكن نحصل على نفس الفايدة من أنواع أسعارها قليلة.

– فى ظروف معينة بس .بتكون بودرة البروتين الأفضل فى الفايدة و ده لأن معظم الناس حتى الرياضيين يقدروا

يأخذوا نفس القيمة الغذائية اللى بتقدمها بودرة البروتين من الأكل البروتينى زى اللحوم و الأسماك و الفراخ و

منتجات الألبان.

 

امتى بيكون الشخص يفضل انه يستخدم بودرة البروتين :

1- وقت النمو:

المراهق بيحتاج البروتين بكميات كتيرة علشان يقدر يبذل الجهد اللى بيحتاجه فى أنشطته وبيكون جسمه

لسه فى مرحلة النمو.

 

2- لو الشخص لسه هيبدأ برنامج جيم:

لأن بذل المجهود بيكون جديد عليه ومحتاج انه يكون عضلات فطبيعى أنه هيحتاج البروتين بشكل أكبر من

الطبيعى.


3- لو الشخص هيزود مجهوده بنسبة كبيرة :

زى مثلا الشخص اللى بيتدرب ½ ساعة فى 3 أيام فى الأسبوع و قرر أنه يزود تدريباته زى تدريب الماراثون

فجسمه هيحتاج بروتين كتير.

 

4- الشخص اللى بيتعافى من أصابة :

الرياضيين اللى بيكونوا مصابين هيحتاجوا بروتين أكثرعلشان جسمهم يتعافى .

 

5- لو الشخص قرر انه يبقى نباتى :

– الناس اللى بتتبع نظام غذائى نباتى بيتجنبوا تقريبا أكل معظم موارد البروتين زى اللحوم و الفراخ و الألبان

والبيض والأسماك .


كل دى من الأسباب اللى بيكون مسموح فيها بكميات من بودرة البروتين لكن المشكلة الكبيرة أن بودرة

البروتين بتحتوى فى كل مرة يأخذها الشخص على 80 جرام من البروتين وده بيكون أكتر من أحتياج الجسم وده

بيسبب خطورة على الكلى و الكبد.

 

حساب البروتين:

طيب ازاى ممكن نعرف لو الجسم أخذ كمية البروتين اللى محتاجها:

              – اللى بيمارس رياضة ترفيهية بيحتاج 0.5-0.75 جرام يوميا من البروتين لكل 455 جرام من الجسم.

              – اللى بيمارسو رياضة تنافسية بيحتاجوا 0.6-0.9 جرام لكل 455 جرام من الجسم.

              – الرياضيين فى سن المراهقة بيحتاجوا 0.8-0.9 جرام لكل 455 جرام من الجسم.

              – الرياضيين اللى عاوزين يبنوا عضلات كبيرة هيحتاجوا  0.7-0.9 جرام .

              – أكبر كمية من البروتين بيحتاجها معظم البالغين مش هتزيد عن 0.9جرام لكل 455 جرام من الجسم

               يوميا يعنى مثلا الشخص اللى وزنه 80 كيلو وعاوز يبنى عضلات جسمه مش هيحتاج أكثر من

                157.5جرام من البروتين.

 

ازاى الشخص بيستخدم بودرة البروتين :

– لو الشخص حسب كمية البروتين اللى بياكلها و لقى أنه مش بيحصل على الكمية الكافية لأحتياجه ( بيظهر

برضه فى الأجهاد الزيادة و الشعور بالتعب من ممارسة أى مجهود أو التئام الجروح والأصابات ببطء) فأزاى يقدر

يحصل على الكمية المناسبة.

– أول حاجة لازم ترفض فكرة أنك تاخذ بودرة البروتين فورا بعد أو قبل ما تبذل مجهود لأن جسمك برده محتاج

كربوهيدرات فلو هتأخذ 20 جرام من البروتين هتحتاج 80 جرام من الكربوهيدرات علشان توازن التغذية

المناسبة لجسمك فيفضل أن وقت ماتيجى تبذل مجهود تشرب مشروب فاكهة باللبن أو الزبادى.

– يفضل أنك تتناول بودرة البروتين كسناك أو بديل لوجبة على مدار اليوم لكن مش فى الوقت اللى هتبذل فيه

مجهود.

Share.

Comments are closed.