اشترك
Buy Neuth France products

المرآة الحامل .. فى الحج والعيد

0

المرآة الحامل فى الحج :

الحج رحلة مجهدة و بتحتاج مجهود كبير والمرآة الحامل بالذات بيكون ليها خصوصيتها لو أخذت

قرار السفر فى الفترة دى لأنها بتبقى معرضة للأصابة بأمراض بسبب الزحام الشديد و نقص

المناعة فلازم أنها تراعى كتير من الأحتياطات الصحية علشان متعرضش صحتها أو صحة طفلها

للخطر:

1- قبل ما يتأخذ القرار أصلا لازم تراجع االطبيب وتشوف اذاكان وضعها الصحى هيسمح بالسفر أو لا.

2- تأخذ معاها كل الأدوية  اللى هتحتاجها أو ممكن أنها تحتاجها طول فترة الحج.

3- يكون معظم أو كل لبسها من القطن و يكون واسع .

4- شرب كميات كبيرة من المياه و السوائل بأستمرار.

5- اثناء السفر لازم تحرك الساقين فى كذا وضعية علشان تتجنب حدوث أى جلطة وريدية.

6- وكمان طول الرحلة لازم تقوم  تتمشى كل ساعة أو اثنين حتى لو كان السفر بسيارة خاصة ممكن يقفوا كل

ساعتين و تتمشى شوية.

7-البعد عن الأماكن المزدحمة و الأوضاع اللى هتسبب فى ضغط جسمها والراحة على قد ما تقدر اثناء تأدية

المناسك.

8- تجنب أرتفاع دراجات الحرارة و أستخدام شمسية طول فترة الحج و أختيار أوقات مناسبة لتأدية المناسك.

9- اتباع نظام غذائى سليم والأكثار من الفواكه و الخضروات بأستمرار.

10-لو حصل نزيف مفاجىء أو صداع شديد وتشويش فى النظر أو أى آلم فى البطن أو أرتفاع فى درجة الحرارة

فلازم فورا تتوقف عن اداء المناسك و تروح لأقرب دكتور.

11- لازم تراعى أن فى شوية أعراض لو بتعانى من حاجة منها لازم تلغى قرار السفر فورا:

12-لو ضغط الدم كان مرتفع.

13-لو بتعانى من نزيف متكرر فى فترة الحمل.

14-لو حصل نزول فى المشيمة.

15-لو كان فى أى تاريخ لولادة مبكرة.

 

المرآة الحامل وصحتها فى أيام العيد:

أهم سؤال بالنسبة للمرآة الحامل قبل عيد الأضحى بيكون ايه المسموح وايه الممنوع من الأكل

؟و ايه اللى ممكن آكله من غير يسبب أى مشكلة لصحة الطفل؟

طبعا اللحوم غنية بالبروتينات و الحديد ومهمة لصحة الآم و الجنين لكن فى شروط معينة مع

تناول اللحوم للحامل وبتتاثر كمان بعمر الجنين :

1- أهم حاجة و فى كل الأوقات تناول الفواكه والخضروات مع الوجبات لأنها غنية بالالياف ومضادات الأكسدة اللى

بتمنع الامساك وبتقلل من أمتصاص الدهون فى اللحم ده غير طبعا قيمتها الغذائية و فوائدها العالية.

2- البعد تماما عن أكل الكبد بأنواعه لأنه ممكن يسبب تشوهات جنينية  وكمان تجنب آكل الأمعاء و الأحشاء و

المعدة لكن لو كان عندها شهية كبيرة ليها فلازم تتأكد من تنظيفها و طبخها بشكل جيد وتكون الكمية اللى

هتأكلها قليلة لأشباع رغبتها بس و مش لحد الشبع.

3-ضرورى أن لحوم الأضحية تكون  مطبوخة بشكل كامل والأفضل انها تكون على شكل طاجن فى الفرن مع

الخضروات المسلوقة .

4-فى الثلاث شهور الأولى من الحمل  هيبقى صعب آكل اللحوم الحمراء بسبب تقلب شهية المرآة والقىء

المستمر و قرحة المعدة و مشاكل الهضم.

5-فى الثلاث شهور الأخيرة بيكون من الصعب تناول الآكل بسبب كبر حجم الجنين و الضغط على معدة الأم.

6-بيكون صعب على المرآة الحامل آكل لحم الغنم لانه غنى بالدهون و صعب فى الهضم وخصوصا لو كان فيه

كميات كبيرة من التوابل و الدهون فالأفضل طبعا بالنسبة للمرآة الحامل أنه يكون  مشوى و مايكونش فيه توابل.

Share.

Comments are closed.