اشترك
Buy Neuth France products

عشان متكونيش قلقانة

0

ممكن تعدي أسابيع عليكي وإنتي حامل من غير ماتكوني عارفة ودي فترة مهمة جدا بالنسبة لطفلك لأنها

بداية تكوينه جوة جسمك والقلق  و التوتر المصاحبين التخطيط للحمل ليهم عواقب كتير جدا ,بس الأول لازم

تعرفي أهمية التخطيط للحمل :

– التخطيط بيسهل من حدوث الحمل

– هتكوني بصحة أفضل و أنتي حامل, وتتعافي بسرعة بعد الولادة

– طفلك هيتولد بصحة أفضل

– هتتقللي من فرصة إصابة طفلك بمشكلات صحية في المستقبل


ليه ممكن تصابي بالقلق لما تفكري في الحمل ؟

الخوف من عدم إمكانية حدوث الحمل, محاولتك إنك تهيأي نفسك صحيا و نفسيا لاستقبال الطفل, و التفكير في

المتطلبات الجديدة و إمكانية توفرها .


والقلق ده ليه عواقب كتير أهمها :

– إنه هيكون سبب لعدم حدوث الحمل لأنه هيأثر على مناعة جسمك , هيرفع من ضغط الدم وهيؤدي لخلل في

عمل الهرمونات وهيفقدك أنتي و زوجك المتعة في ممارسة العلاقة الحميمة .

– كمان أثبتت بعض الدراسات إن القلق إذا استمر في أول فترة الحمل بينعكس  سلبيا على قدرة طفلك العقلية

في سيدات كتير بيكون من الصعب إنها تتخلص من حالة القلق دي , بنقدملك بعض المقترحات اللي

هتساعدك على الحد من القلق :

                    1- مارسي التمارين الرياضية اللي بتقلل شدة الاعصاب وبتحسن الحالة المزاجية

                    2- التأمل اللي بيقلل من هرمون التوتر في دمك وبيساعدك على الأسترخاء

                    3- أكتبي كل حاجة بتفكري فيها

                    4- أحصلي على القسط الكافي من النوم

                    5- خلي الجو المحيط بيكي يساعدك على الهدوء ( اسمعي موسيقى, استخدمي إضاءة خفيفة)


وانتى بتخططى للحمل لازم  تعرفى عن حاجات ممكن تأجل الحمل او تمنعه انتى شايفاها عاديه زى السمنة,

 السمنة عامة بتؤدي للأصابة بالكتير من الأمراض زي أمراض القلب و السكر وتشمع الكبد , و بيكون صعب

على المرأة الحامل فقدان الوزن أثناء الحمل أو أتباع حمية لأن هي و طفلها بيحتاجوا لكتير من العناصر الغذائية.


أزاي أعرف أني بعاني من السمنة ؟

أبسط طريقة هي بأستخدام مؤشر كتلة الجسم  (BMI ) , وهي طريقة لمعرفة الوزن المثالي بقياس الوزن والطول

مؤشر كتلة الجسم  = الوزن / (الطول)2  , فلو طلع من 30 فأكتر بتكوني بتعاني من السمنة.

والكم اللي هتأكليه  و أنتي  حامل بيتحدد عن طريق :

– وزنك في بداية الحمل

– مؤشر كتلة الجسم

– هل بتمارسي رياضة والا لأ

– ولازم تعرفي أن جسمك محتاج أنك تنوعي في الاكل , لأنك تقريبا بتحتاجي كل العناصر الغذائية خصوصا

الكالسيوم و حمض الفوليك.

 

أزاي السمنة بتأثر على الحمل ؟

بالنسبة للمرأة الحامل بتكون معرضة للاصابة ب :

– أرتفاع ضغط الدم

– سكر الحمل

-تسمم الحمل

الولادة القيصرية المصحوبة بالكتير من المشكلات

– الإجهاض

أما الأطفال المولودين من أم سمينة بيكونوا معرضين ل :

– عيوب خلقية (كعيوب  خلقية في القلب) 

– زيادة في الوزن أكتر من اللازم و ده هيصعب عملية الولادة

هل المفروض أن الحامل اللي بتعاني من السمنة تقلل من وزنها ؟

– متحاوليش تخسري وزن و أنتي حامل , لكن ممكن تظبطي وزنك مع طبيبك . ولازم تعرفي أن المرأة الحامل

بتزيد في الوزن حسب مؤشر كتلة الجسم , وبالنسبة للبيعانوا من السمنة بيكونوا محتاجين بزيدوا في الوزن من 7 ل 11 كجم حسب وزنهم.

– وفكرة أنك بتأكلي لأثنين دي فكرة غلط جدا, كل اللي بيحتاجوا جسمك هو 300 سعر زيادة عن حاجتك كل يوم.

ودول ممكن توفريهم بساندوتش أو تفاحة مع كوب زبادي.

دي فكرة غلط جدا, كل اللي بيحتاجوا جسمك هو 300 سعر زيادة عن حاجتك كل يوم. ودول ممكن توفريهم بساندوتش أو تفاحة مع كوب زبادي.

Share.

Comments are closed.