اشترك
Buy Neuth France products

تكيسات المبايض .. هل من حلول ؟

0

نبدأ كلامنا بتعريف المبايض :

هما عضوين صغيرين على جانبي الرحم جوة جسم المرأة, بيفرزوا هرمونات كتير منها الإستروجين اللي بيؤدي

لحدوث الدورة الشهرية . كل شهر واحدة من المبايض بتخرج بويضة لقناة فاليب مستعدة للإخصاب و العملية

دي إسمها الإباضة .

طيب و التكيسات :

– هي أكياس مملؤة بسائل بتنشأ جوة أو على سطح المبايض.

– كتير من السيدات بيصابوا بتكيسات المبايض في حياتهم , ومعظمها مبيكونش مؤذي وبتختقي بدون علاج

خلال بضعة أشهر.


هل في سبب لتكيسات المبايض ؟

– معظم التكيسات بتتكون طبيعي بفعل الدورة الشهرية و هما مش مضرين و نادرا ما بيسببوا ألم وبيختفوا خلال

شهر أو شهرين

– في ثلاث أنواع تانية هما “السيستادينوما” وتكيسات “بطانة الرحم” و التكيسات المصحوبة ب “خراج” ودول

ممكن حجمهم يكبر و يخلي المبيض يتحرك من مكانه الطبيعي فبيسبب ألم شديد وإلتواء المبايض و ممكن

تنفجر وتسبب نزيف وفي الحالات دي لازم تستشيري الطبيب .


و من أعراض وجود تكيسات بالمبايض :

1 – آلام في منطقة الحوض قبل أو بعد الدورة الشهرية و أثناء ممارسة العلاقة الحميمة .

2 – زيادة الرغبة في التبول .

3 – الغثيان الرغبة في القيء .

4 – الإحساس بثقل في منطقة البطن .

 

المعلومات اللي بيبحث عنها الطبيب خلال الفحص هي:

حجم التكيس, مكوناتة ونوعه اللي بيقدر يحدده بالسونار و التحاليل.


وبتتدرج طبيعة العلاج حسب الحالة :

– فممكن ميكونش في علاج و يكتفي بالمتابعة في حالة النوع الاول

– بالنسبة للثلاث أنواع الباقين , ممكن يقدملك الطبيب حبوب منع الحمل كعلاج , و في الحالات الخطرة بيلجأ

لإزالة التكيس بالجراحة .


هل تكيسات المبايض تمنع حدوث الحمل ؟

– لو أنتي مصابة بتكيسات بطانة الرحم ممكن تأثر على الإنجاب. لكن باقي انواع التكيسات لو مش كبية في

الحجم مشبيكون ليها تأثير على حدوث الحمل.

– لو أنتي مصابة ب” متلازمة المبيض المتعدد التكيسات” , و هو مرض بتصاب فيه السيدة أو البنت بتكيسات

صغيرة الحجم لكن كبيرة في العدد مع حدوث خلل في الدورة الشهرية و الزيادة في معدل بعض الهرمونات , ده

بيكون سبب من أسباب منع حدوث الحمل.

Share.

Comments are closed.