اشترك
Buy Neuth France products

غذاء الأم وأثره على صحة الجنين

0

الغذاء الصحى مهم جدا فى صحة الحوامل و بيساعد فى ولادة طفل بيتمتع بصحة جيدة مش

بس كده انما كمان بيفرق فى حماية الطفل من كتير من التشوهات الخلقية ومن مخاطر كتير زى

انعدام  الدماغ (تطور غيرطبيعى لدماغ الطفل ) و نمو الجهاز العصبى و أمراض أخرى.


أهم العناصر الغذائية للأم فى فترة الحمل :

 

– الحديد :

مهم جدا لأن الطفل يختزنه الى مراحل بعد الولادة و يحتاجه الدم لنقل الأوكسجين وممكن للأم انها تحصل

عليه عن طريق حبوب الحديد.

 

-فيتامين :

 من الفيتامينات اللى بتساعد فى الحصول على الكالسيوم الضرورى لنمو العظام وبيساعد حمض الفوليك فى

بناء خلايا حية بالأضافة الى أهميته فى النمو الطبيعى للجنين وممكن الحصول على الكمية الكافية منه من

المنتجات الحيوانية زى البيض واللبن .

 

-الفولاسين :

 واحد من مكونات فيتامين B ومهم جدا فى مراحل تكوين الجنين الأولى لأن نقصه بيؤدى لتشوهات خلقية مثل

عدم انغلاق الحبل الفقرى للجنين علشان كده لازم الأم تأكل كميات كبيرة من السبانخ و الخضروات الخضراء.

 

-فيتامين  C :

 بيساعد على أمتصاص الحديد من الأمعاء فلازم الأم تزود الأطعمة الغنية بفيتامين C  زى الفواكه الحمضية

( البرتقال,اليوسفى ) .

 

-الكالسيوم:

 الكالسيوم و الفسفور و الماغنسيوم ليهم دور مهم جدا فى بناء العظام و الهيكل العظمى  للجنين علشان كده

لازم تزيد كميته فى جسم الأم للضعف أو اكتر ومن أهم الأطعمة الغنية بالكالسيوم البروكلى واللبن و منتجاته

والأسماك و الخضروات داكنة اللون و السمسم.

 

– حمض الفوليك:

بيعتبر من أهم العناصر الغذائية اللى بتحتاجها الأم فى فترة الحمل واللى بتكون ضرورية جدا للجنين لأنه بيقلل

بنسبة كبيرة من خطر حدوث تشوهات خلقية للجنين وبيساعد فى عملية انقسام الخلايا و التمثيل الغذائى

للبروتين و تكوين كرات الدم الحمراء وبيساهم فى تطوير الجهاز العصبى للجنين ومن أشهر الأطعمة الغنية

بحمض الفوليك الخبز و البقوليات الجافة و اللحوم و الخضروات الورقية ( السبانخ ) والموالح وعصائرها .


ما يجب تجنبه و حظره على المرآة الحامل:

1-  النودلز والأندومى والأغذية المحفوظة.

2- الصودا والمشروبات الغازية.

3- التدخين و المشروبات الكحولية.

4- الأكل الجاهز و السريع.

5- اللحوم المجمدة .

6- اللحوم و الأسماك و البيض النصف مطهية.

7-الكافيين وبيتواجد فى القهوة والشاى و النسكافيه و المشروبات الغازية.

Share.

Comments are closed.