اشترك
Buy Neuth France products

تعرف ايه عن صحة كليتك ؟

0

الكلية واحدة من أهم أعضاء الجسم الحيوية وهى بتنظف الجسم من السموم و فضلات الطعام

طول اليوم ده غير أدوارها التانية  فى تنظيم السوائل و بتحافظ على توازن الأملاح و المعادن فى

الدم و بتساعد على تنظيم مستويات ضغط الدم وبتقوم بأفراز عدد من الهرمونات اللى بتساعد

على زيادة أمتصاص الحديد فى الأمعاء والهرمونات اللازمة لتنشيط نخاع العظام لينتج خلايا الدم

الحمراء.

بتختلف الطرق و الأساليب اللى بتحافظ على صحة الكليتين ما بين طرق التغذية وأسلوب الحياة

و الرعاية الصحية .

 

أهم النصائح و الارشادات للحفاظ على صحة الكليتين :

 

– التغذية الصحية والسليمة:

وده من خلال الأكثار من أكل الفواكه و الخضروات كل يوم وعدم الأفراط فى أكل الأطعمة اللى بتحتوى على

نسبة عالية من الكربوهيدرات (السكريات) و الدهون والبروتينات (اللحوم) وزيادة الأكل اللى بيحتوى على

أحماض أوميجا 3 ( الأسماك الدهنية وزيت الزيتون)  والحد من الأملاح و الأطعمة الجاهزة.

 

– السوائل والماء :

بيحتاج الجسم لكميات كبيرة من الماء  أكثر من العصائر وباقى السوائل وخصوصا فى فصل الصيف علشان

الكلية تشتغل بشكل سليم  والتقليل من المشروبات الغازية لأنها بتؤذى الكليةوبينصح الأشخاص اللى بيعانوا

من حصوات فى الكية انهم يشربوا يوميا من 2-3 لتر ماء.

 

– الرياضة و اللياقة البدنية :

ممارسة الرياضة و التمارين بيساعدوا فى خفض ضغط الدم وبيساعد فى الحفاظ على الكلية وكمان النوم

المنتظم و الراحة الكافية للجسم.

 

– التدخين :

التدخين من العادات السيئة اللى بتأثر على صحة الجسم كله  و الجهاز التنفسى و بيأذى الكلى بشكل خطير

لأنه بيقلل من سرعة تدفق من القلب للكليتين وبالتالى هيضعفها وممكن مع الوقت تكون النتيجة فشل كلوى

وبتزود من خطر الأصابة بسرطان الكلية بنسبة 50%.

 

– الكحول :

 المشروبات الكحولية بترفع نسبة الدهون فى الدم اللى بيصعب على الكلى التخلص منها وتراكم السموم دى

فى الدم هيأثر فى النهاية على صحة الكلية.

 

-الوزن الزائد والسمنة المفرطة : 

 تراكم الدهون فى الجسم بيأثر على كفاءة الكلى فمن الأفضل المحافظة على الوزن السليم و التخلص من أى

دهون زيادة فى الجسم.

 

– الأدوية و المسكنات:

 الأفراط فى تناول المسكنات اللى بتحتوى على أسيتامينوفين ومضادات الالتهاب غير الستيرويدية(NSAIDS)

بتؤدى لأخطار كبيرة على الكلى وممكن تسبب تلفها .

 

– الفحص الدورى :

الفحص الدورى ضروريا علشان متابعة الكلى من وقت للتانى ولازم نهتم بيه كأجراء وقائى انما فى حالات

وأمراض بيكون الفحص الضرورى معاها أمر حتمى لأنها بتزود من الأصابة بأمراض الكلى و لازم تتابع بأستمرار:

              . مرض السكرى.                   . أرتفاع ضغط الدم.

              . السمنة.

             . أحد الوالدين أو غيرهم من أفراد الأسرة بيعانى من أمراض الكلى.

 

– ضغط الدم:

 أرتفاع ضغط الدم هو السبب الأكبر و الأشهر لتلف الكلى فمن الضرورى قياس الضغط بأنتظام  ومعالجته حين

يكون مرتفعا.

 

مرضى السكرى:

 بيعانى حوالى نصف مرضى السكر من تلف ومشاكل فى الكلى فمن المهم جدا لمرضى السكر متابعة

مستوى السكر فى الدم والمحافظة على انتظامه وعمل فحوصات دورية على الكلى بأستمرار .

Share.

Comments are closed.