اشترك
like Sofy on Facebook

مرضى الضغط و صيام رمضان

0

مفيش ما يمنع صيام مرضى ضغط الدم المرتفع، و الهدوء والسكينة اللي بيصاحبوا

شهر رمضان ممكن أنه يحسن من حالة المريض منغير أدوية فالمعروف أن الغضب

والانفعال بيدفعوا الدم بصورة مفاجئة للعروق، فيرتفع الضغط خاصة للي عندهم

قابلية للارتفاع أو اللي بيتناولوا أغذية غنية بالدهون والكوليسترول اللى بتسبب

تصلب الشرايين

واليوم الرمضانى مفيد جدا لمريض الضغط بشرط تناول الادوية ما بين الإفطار

والسحور ,  وعدم تناول الأطعمة الدسمة والإقلال من الملح فى حدود 3 جرامات

يوميا .

بالنسبة لوجبة الإفطار:

– من المهم تناول الطعام تدريجيا، أى تناول التمر والشوربة في الاول، بعدها بفترة تناول

الطعام، أما الحلو فيكون تناوله بعد ساعتين من الإفطار

–  لمرضى الضغط المنخفض، يفضل تناول كميات كبيرة من المياه لتنشيط الدورة الدموية،

وزيادة نسبة الملح فى الطعام والحرص على تناول «الحوادق»، ومحاولة تناول النشويات

والسكريات بكميات معتدلة

–  لمرضى الضغط العالى، أبعد« الملح والمخللات» عن مائدة الإفطار، وقلل من الأطعمة اللى

بتحتوى على نسبة عالية من الدهون

وجبة السحور:

يمكن لمريض الضغط تناول كل الأطعمة مع مراعاة بعض الأشياء:

 –  لمرضى الضغط المنخفض، أجل تناول الدواء قدر الإمكان حتى آخر توقيت قبل

البدء فى الصيام، عشان يمتد مفعول الدواء مدة أطولوأشرب سوائل كتير، وخاصة

المياه بكميات كبيرة

–  لمرضى الضغط العالى، أشرب السوائل بكميات كبيرة لتقليل لزوجة الدم،

وبالتالى هتتجنب حدوث جلطات فى الأوعية الدموية وتصلب الشرايين، خاصة عند

كبار السن

نصائح مهمة:

–  أهتم بالحركة قدر الإمكان لتنشيط الدورة الدموية

– ركز على الأغذية الغنية بمادة البوتاسيوم والماغنيسيوم واليود اللى متوفرة فى

 « الأسماك » وحاول تقلل من اللحوم ومنتجات الألبان والمعلبات  قدر الامكان

وتجنب المنبهات والتدخين .

– ممكن تستبدل الملح بعصير الليمون والاعتماد على الخضروات الطازجة زي

الكرفس والبقدونس .

– التفاح مناسب جدا” لمرضى الضغط و كمان العنب والموز لأنها بتقوم بتعويض

الجسم للماء اللى يفقده نتيجة تناول مدرات البول، حيث يفقد الجسم كمية من

البوتاسيوم والمعروف أن هذه الأنواع تحتوى على البوتاسيوم،

– مفيش أي ضرر من تناول الحبوب والبقول زي الترمس واللوبيا والفاصوليا وحمص

الشام والفول المدمس .

– ضروري يشرب مريض الضغط اللبن خالى الدسم والكركدية والينسون والدوم،

كمان عصير الجزر والتفاح .

– عسل النحل النقى بيعمل على زيادة الماء فى الدم , فحاول يكون ضمن نظامك

الغذائي في رمضان .

خد بالك :

 لو وصل مريض الضغط العالي لضغط  170-110 لازم يفطر فورا, كمان مريض

الضغط المنخفض لازم يفطر لو حس بأي هبوط .

Share.

Comments are closed.