اشترك
Buy Neuth France products

تحسين الذاكرة

0

مشاكل النسيان لحاجات مهمة زى مكان الموبايل و المفاتيح  و مواعيد الشغل و معلومات مهمة

بقت بتكرر بشكل يومى و مش شرط أن يكون ليها علاقة بالتقدم فى السن ممكن جدا يكون ليها

أسباب تانية زى عدم  التركيز وزيادة المسئوليات و الضغط ,وهى مش مشكلة صعبة و مستحيل

أننا نتخلص منها لأن فى حاجات كتير ممكن نضيفها لحياتنا اليومية هتساعدنا أننا نتخلص من

المشكلة دى.

 

طرق ونصائح لتحسين الذاكرة :

 

النوم : 

النوم بشكل كافى يوميا لمدة لا تقل عن 6-8 ساعات يوميا وبدون توتر  لكى يرتاح العقل ويتمكن من أستعادة

توازنه ومعالجة معلوماته.

 

الرياضة :

ممارسة الرياضة يوميا بيساعد فى تنشيط الدورة الدموية وبيدعم وظائف المخ ومن الرياضات اللى بتساعد فى

تحسين الذاكرة السباحة و الجرى.

 

القراءة : 

القراءة مهمة جدا لأكتساب معلومات جديدة  والمحافظةعلى يقظة العقل وتركيزه.

 

الهدوء :

التخلص من القلق والبعد عن المشاكل و الضغط النفسى.

 

تمارين التأمل:

بيساعد التأمل بشكل يومى على تحسين الذاكرة بشكل أفضل  ومن التمارين  المهمة اللى بتساعد على

التأمل و الأسترخاء اليوجا وبتقلل الأحساس بالتوتر.

 

الايجابية :

الايجابية وعدم الاستسلام لفكرة أن ذاكرتك ضعيفة و مش هتقدر تفتكر بسهولة  هيساعدك أكتر أنك تتخلص

من المشكلة.

 

الراحة :

أعطاء الجسم الراحة اللازمة بعد كل فترة من المجهود والعمل أو المذاكرة لأن القدرة على التركيز وأسترجاع

المعلومات بتتراجع بعد فترة طويلة من التركيز المتواصل.

 

الألعاب :

العاب الكمبيوتر اللى بتساعد فى تنمية القدرات العقلية وبتزيد مهارات التواصل,ده غير الالعاب و الالغاز اللى

بتعمل على تقوية الذاكرة وبتحمى من تدهور القدرات العقلية و مرض الزهايمر واللى بيكون أشهرها على

الأطلاق الكلمات المتقاطعة و السودوكو  وال Puzzle . 

 

الغذاء الصحى:

الغذاء الصحى وأتباع عادات صحية فى التغذية زى زيادة شرب كميات من الماء وتناول وجبة الأفطار

وفى كمان أنواع معينة من الأكل اللى بتساعد فى تحسين الذاكرة و اداء العقل :

-الأطعمة اللى بتحتوى على أوميجا 3 واللى بيكون أولها الأسماك من السردين والسالمون لأنه بيرفع حجم

وظيفة الذاكرة وممكن الحصول على أوميجا 3 عن طريق حبوب زيت السمك الموجودة فى الصيدلية.

-الخضروات الورقية زى السبانخ والبركلى و الكرنب والخس اللى بيحتوا على نسبة كبيرة من حمض الفوليك.

-الشاى الأخضر بيحتوى على مضادات الأكسدة زى فيتامين E اللى بيحمى من تدهور الخلايا العصبية والاصابة

بأمراض تقدم العمر وبيعمل على حماية أنسجة المخ .

-المكسرات زى الجوزو اللوز و الفول السودانى اللى بتحتوى على أوميجا 3 ومضادات الأكسدة.

– الشيكولاتة بتساعد على تحسين الذاكرة وفى بعض المواد الموجودة فى بذور الكاكاو بتحسن من تدفق الدم

الى المخ .

Share.

Comments are closed.