اشترك
Buy Neuth France products

هتاكل ايه اليوم ..وكل يوم ؟

0

كل ام عندها ولاد فى مرحلة الدراسه سواء فى الجامعة او المدارس بتتحدى نفسها قدام سؤال

يومى متكرر ازاى احضر سفرة شهية كلها مكونات تساعد الاولاد على المذاكرة ؟ممكن يكون

سؤال سهل لكن ازاى السفرة دى تكون كمان مفيدة و ماتسببش أى مشاكل صحية لأ دى كمان

تساعدنا أننا نتخلص من شوية من المشاكل الصحية اللى بنعانى منها ؟يمكن يكون هو ده

السؤال الأصعب والأهم .خلينا نتعرف على شوية أنواع من الأطعمة المفيدة وايه فائدة كل حاجة

منها :

 

الفلفل الأحمر:

– من الخضروات اللذيذة و اللى بنستمتع وأحنا بنأكلها سواء نية أو مستوية,ثمرة واحد من الفلفل الأحمر بتحتوى

على أكثر من 100% من أحتياج جسمنا اليومى لفيتامين c وبيحتوى كمان على كميات مهمة من الألياف

الغذائية وفيتامين b6 ده غير أنه غنى بالكاروتينات اللى بتمنع التجاعيد و بتزود من سرعة الدورة الدموية للجلد

وبتساعد كمان فى مواجهة حب الشباب و ظهور الوجه أكثر نضارة.

– كمان الفلفل الأحمر وجبة سناك ممتازة و قليلة فى سعراتها الحرارية لأنه بيحتوى على 30 سعر حرارى

وبيساعد على الأحساس بالشبع لفترة طويلة.

 

الشوكولاتة الداكنة:

الشيكولاتة الداكنة بتحتوى على مضادات الأكسدة والأحماض الدهنية والفلافانول اللى بتحسن اداء المخ

وبتزيد نضارة الجلد ده غير أن مضادات الأكسدة بتحمى من خشونة الجلد و من أضرار أشعة  الشمس و كمان

الكاكاو بيريح الشرايين و بيزيد من سرعة الدورة الدموية .

 

السالمون :

السالمون من أفضل الأكلات اللى هيساعدك تتغلب على الأجهاد و القلق و الأكتئاب و بيمد الجسم بمعظم

أحتياجه اليومى من فيتامين D واللى هو مسئول عن المحافظة على القلب والقولون و صحة الدماغ وكمان

بيساعد فى الحماية من سرطان القولون و القلق وأمراض القلب و العظام ,كمان السالمون غنى بأوميجا 3

والأحماض الدهنية اللى بتحمى من الالتهابات و التجاعيد و حب الشباب وبيساعد السالمون على ترطيب

البشرة من الداخل و الخارج وبيحافظ على الشعر قوى وصحى.

 

السبانخ:

السبانخ من الأطعمة الصحية واللى قيمتها الغذائية عالية جدا ومفيدة كمان للريجيم ومن أفضل الأكلات

للحصول على الحديد والفولات و الكلوروفيل وفيتامين E و الغنسيوم وفيتامين A والألياف و البروتينات النباتية و

فيتامين C ده غير مضادات الأكسدة اللى بتكون مفيدة للجلد.

 

الكرفس :

بيحتوى الكرفس فلى فيتامين K اللى بيحافظ على صحة الدورة الدموية وبيقلل من أرتفاع ضغط الدم ومن

الأجهاد ومن الصداع النصفى و بيحمى من الأصابة بالسرطان وبيحتوى الكرفس كمان على الصوديوم الطبيعى

و البوتاسيوم و المياه اللى بتحمى من الجفاف .

Share.

Comments are closed.