اشترك
Buy Neuth France products

جهز نفسك لحج بيت الله

0

نصائح صحية للأستعداد للحج :

1- مراجعة الطبيب والحالة الصحية ومعرفة جميع التطعيمات المطلوبة و أخذها قبل الحج بفترة كافية.

2-أخذ كمية من الأدوية اللى هتحتاجها تكفيك طول فترة الحج.

3-لازم الجسم ياخذ الراحة الكافية قبل و بعد كل شعيرة من شعائر الحج علشان يقدر يتحمل الاجهاد باقى فترة

   الحج.

4- الأهتمام بالنظافة الشخصية وغسل اليدين بأستمرار.

5- شرب الماء و السوائل والعصائر بكمية كبيرة لأنها بتحمى من الجفاف.

6- أستخدام مظلة اثناء الطواف وتجنبه لو درجة الحرارة كانت عالية جدا.

7-الأهتمام بنظافة الأكل ويفضل بلاش الاكل المكشوف واللى بيكون متعرض للاتربة و الحشرات.

8-يفضل أنك تزود من أكل الفواكه و الأطعمة المسلوقة لأنها مفيدة للجسم وغير مهيجة للأمعاء.

9- لو بدأت تحس بأى آلم زائد عن الحد الطبيعى فمن الأفضل انك تروح لأقرب مركز صحى.

10-استخدام كمامات الأنف والفم للوقاية من التقاط العدوى بالأمراض أثناء الحجم مع الحرص على تغييرها

بأستمرار .

11-ضرورى جدا أن الحقيبة الطبية تكون معاك فى فترة السفرواللى بتحتوى على أدوية كتيرة بيحتاجها الحاج

فى فترة السفر …                                                                                                                                       

(خافض حرارة مثل الباراسيتامول-مضاد السعال وطارد البلغم-كريمات و فازلين وبوردة-كريمات و مراهم لاصابات

العضلات-كريمات للجروح-الأملاح التعويضية بالفم مثل أملاح الصوديوم والبوتاسيوم والتى قد يحتاجها الحاج

لضربات الشمس و الارهاق الحرارى أو نوبات الاسهال الشديدة- أدوية خاصة ببعض الأمراض المزمنة مثل

السكرى و أرتفاع ضغط الدم  والربو  و أمراض القلب )


من أكثر المتاعب الشائعة فى الحج و ازاى نتعامل معاها:

أزمات الربو :

لأن التراب والأتربة اللى بيتعرض لها مريض الربو بيبقى كتير فده بيزود الاصابة بنوبات الربو فالأفضل أن مريض

الربو يتابع الأدوية بتاعته بأنتظام ويبقى معاه بخاخ بأستمرار علشان يقدر يسيطر على النوبة بسرعة لكن لو

كانت نوبة حادة لازم يروح لأقرب مركز رعاية صحية.

 

الانهاك الحرارى و ضربات الشمس:

بيحصل بسبب التعرض لأشعة الشمس لوقت طويل وعدم شرب كميات كافية من الماء وبيتم التعامل معاه

بأعطاء محلول ملحى مع تدليك العضل المتشنجة برفق و نقل المصاب الى مكان ظليل وعمل كمادات.

 

الحروق الجلدية :

اللى بتنتج عن تعرض الجلد لأشعة الشمس المباشرة مدة طويلة وبيتم نقل المصاب بعيد عن الشمس و

استخدام كمادات باردة وو ضع مرهم للحروق و تغطيتها بالشاش.


أمراض الجهاز الهضمى: 

بتنتشر بصورة كبيرة فى موسم الحج بسبب عدم مراعاة الأحتياطات الخاصة بنظافة الآكل وبتظهر الأعراض

على صورة قىء واسهال والآم فى البطن ولعلاجها ينصح بشرب السؤال و العصائر وتناول محلول معالجة

الجفاف بعد اذابته فى ماء معقم ولو محصلش أى تحسن يلزم الذهاب لأقرب مركز صحى.

 

التهابات الجهاز التنفسى :

بيتسبب فيها أنواع عديدة من الفيروسات و البكتريا وبتكون أعراضها عادة أرتفاع فى درجة الحرارة مع أحتقان

فى الحلق وممكن تزيد لسعال وبلغم وآلام فى الصدر و ضيق فى التنفس والمفروض أخذ المضادات الحيوية

المناسبة تحت الأشراف الطبى اللازم.

 

اغماءات السكرى :

وممكن يكون سببها نقص أوزيادة نسبة السكر فى الدم ولازم نفرق ما بين الاثنين فلو كان السبب زيادة نسبة

السكر فى الدم بيكون من اللازم نقل المريض بسرعة لأقرب مركز صحى أما لو كان السبب نقص كمية السكر

فبيكون المريض بيعانى من رعشة فى الجسم مصحوبة بعرق غزير ولازم المريض يأخذ عصائر أو حليب بسرعة

أو جلوكوز لو فقد الوعى تماما وبالنسبة لمرضى السكر ففى شوية نصائح المفروض يتبعوها بشكل خاص:

( أخذ كافة الأدوية-حافظة بها بعض القطع الثلجية لحفظ الأنسولين حتى الوصول الى مكان الثلاجة ووضعها فى

الثلاجة-أخذ قطع من السكر أو الحلوى بمجرد الأحساس بأنخفاض نسبة السكر فى الدم-جهاز قياس نسبة

السكر فى الدم مع عدد كاف من الشرائط وابر الوخز لقياس السكر-علبة شرائط خاصة للكشف عن السكر و

الأسيتون فى البول-كريم لتدليك القدم حتى لا تصاب بالتشقق أو الجفاف) 

Share.

Comments are closed.