اشترك
Buy Neuth France products

دليلك الكامل لصبغ الشعر

0

– لكل واحدة بتهتم بشعرها و مظهره , بنقدملك نصايح أساسية للعناية بالشعر المصبوغ :

لو اول مرة تصبغي شعرك , شوفى الاول صورة ليكي و أنتي طفلة لأن في الغالب ده بيكون أنسب لون

لبشرتك و هيساعدك كتير في تحديد الدرجة المناسبة من بين ألوان الصبغات المختلفة .


– لو نفسك تجربي لون جديد خالص , خلي بالك من حاجتين مهمين ” لون عينيك وبشرتك ” لان

هما دول اللي هيحددوا اللون المناسب لشعرك :

– أصحاب البشرة و العيون الفاتحة , بيفضل انهم يستخدموا الألوان الظلية الخفيفة و ياريت ميتجهوش للغوامق

اللي ممكن تكبر من سنهم .

– أصحاب البشرة الخمرية أو السمراء مع العيون الغامقة , ممكن يستخدموا الوان أكتر قوة و ميتجهوش للفواتح أو

الأشقر من الألوان .

– أما أصحاب البشرة الوردية , الألوان الرمادية هتكون أفضل من الدهبية .

– مع وجود الصبغات المؤقتة بيكون عندك فرصة تجربي اللون و تغسلي شعرك في نفس اليوم , و دي فرصة

كويسة لأنك لو صبغتي شعرك بلون غامق بيكون من الصعب جدا إنك تفتحيه .

– لو هتعملي تغييركبير في لون شعرك , بيفضل إنك تروحي لمراكز التجميل لأن مش كل أنواع الشعر بتعطي

نفس الدرجة عند أستخدام نفس لون الصبغة . لكن المتخصصين بيكون عندهم علم أكبر عن التغير اللي

هيحصل لشعرك .

– لو بتفضلي يكون لون شعرك غامق , حاولي تعملي الخطوة دي على مراحل بزيادة درجة أغمق في كل مرة

بتصبغي فيها شعرك , و بكدة هيكون عندك فرصة أكبر في تحديد الدرجة اللي أنتي محتاجاها مع إمكانية إضافة

“هاي لايت ” عند الرغبة ولأن اللون الغامق المفاجيء هيدكي أكبر من سنك بكتير .

– بالنسبة للحامل بيفضل إنها متصبغش شعرها أثناء الحمل , بس لو مضطرة بيفضل بعد أول 3 شهور من الحمل

ومتكونش الصبغة بتحتوي على الأمونيا .

 

أيه هي أفضل الوان الشعر ؟

– من أفضل الوان الشعر اللون الأحمر, كمان في بعض أنواع الحنة اللي بتخلي للون دة طابع خاص و جميل , و

سواء حنة أو صبغة بيفضل إنك تجربيها الاول عشان تتأكدي أن ثباتها هيمتد بطول شعرك .

– اللون الاشقر مع الجذور الغامقة بيدي لشعرك مظهر طبيعي جدا, للي شعرهم أشقر بيعملوا ” هاي لايت ”

أفتح بدرجتين من لون شعرهم , لكن بيكون الوضع أصعب على أصحاب الشعر الغامق لأنهم بيحتاجوا يروحوا

للمتخصصين اللي بيفتحوا لون الشعر الاغمق الاول و بعدين يضيفوا اللمسة الشقراء .

– لتغطية الشعر الابيض او الرمادي , بتحتاجي للالوان الاكتر ثباتا وبتقومي بصبغ الشعر كل 4 ل 6 أسابيع .


إزاي احافظ على الشعر المصبوغ لامع و قوي ؟

– كقاعدة عامة , بيفضل في صبغ الشعر إنك متجهديهوش , بيكفي إنك تصبغيه كل 6 أسابيع عشان ميضعفش

او يصاب بأي ضرر

– للحفاظ على شعرك المصبوغ بيفضل إنك تستعملي شامبو وبلسم بيحتووا على السيليكون, كمان لازم

تحميه من آشعة الشمس بأستخدام قبعات لأن آشعة الشمس ممكن تخلي لون شعرك باهت و تضيع لمعانه .

 

Share.

Comments are closed.