اشترك
Buy Neuth France products

البنات عايزة ايه ؟

0

للى دائما بيسألوا السؤال ده,فى 19 سر لعلاقة جميلة وناجحة هيفرقوا كتير فى اجابة السؤال

ده:

1- البنات دائما يفضلوا الرجل الحساس ,يعنى وقت ما يلاقيها قلقانة و متوتر ةلأى سبب  يحط ايده حواليها

ويعاملها برقة ,الحضن دائما بيكون  من أجمل طرق التواصل.

2- بالذات فى اللحظات الرومانسية كتير من البنات بيحبوا أن الرجالة يتصرفو ا بأسلوب قديم و تقليدى زى مثلا

أنه يسحب لها الكرسى أو يفتح لها الباب و بتتمنى انها تشوفه جنتل مان.

3- شكل وأسلوب اللبس اللى هى حبيتهم فيه يستمروا ويفضل علطول أنيق و يهتم بشياكته و مظهره قدامها.

4- اللون الأحمر بيظهر الرجل فى جاذبية و قوة أكبر للبنت لكن طبعا فى النهاية الشخصية بتكون الأساس.

5- مافيش حاجة ممكن تخطف قلب البنت زى الرجل لما يكون حساس و بيفكر بأستمرار فيها و بيهتم بيها فى

الأوقات اللى بتكون مخنوقة و مضايقة فيها.

6- لو البنت واجهتها مشكلة بتكون محتاجة أكثر انك تسمعها بدل من النصيحة,الرجل بيكون فاكر أنه الأفضل أنه

يتكلم و يحللها المشكلة فى الوقت اللى هى مش بتكون محتاجة فيه غير انه يسمعها.

7- مهم انك تسمعها لكن بيبقى مهم جدا بالنسبة لأى واحدة  انها تحس بكدة وبتركيزك معاها يعنى ماينفعش

انك تفضل تحرك رأسك وبس طول ما أنت سامعها لأن هى بتبقى عاوزاك تتكلم و تفهمها أنك مركز معاها.

8- أنك تدى العلاقة والحب اللى بينكوا فرصة علشان تكبر قبل ما تبدأ جديا وتخرجوا مع بعض لفترة .

9 -الرجل دائما بيدور على أسرع طريقة لممارسة الجنس على عكس البنت اللى بتفكر أكتر بشكل رومانسى

وبتبقى محتاجة أكتر انها تحس بالتفاهم و الحب.

10-البنت بتحس بالأمان و الحماية لما تفهمها اد أيه هى بتخصك و مهمة عندك.

11-انك تسألها أيه اللى هى بتحبوا و مستنياه منك وتقولها أنت مستنى أيه منها.

12-لو حسيت أن فى مشكلة و سبب بيخليكوا تبعدوا عن بعض و أنك ما بقتش تحبها زى الأول فالأحسن طبعا

أنكم تتكلمو عن ده لو فى مشكلة حقيقية.

13-البنت هتعبر عن اللى بتحسه ناحيتك و عن أهتمامها بيك بطريقة تصرفاتها وحالتها النفسية زى انها تطلب

اكل ليكو مع بعض أوطريقة ابتسامتها أو انها تلبس اللون اللى أنت بتحبه.

14-لما تكون حيبتك  بتحب تلبس قميصك أو الجاكت بتاعك فده لأنها بتحس بالراحة و الأمان.

15-البنت بتحتاج انها تسمع منك أد أيه هى جميلة و انك معجب بيها وبتحب أكتر الرجل اللى بيلاحظ أى تغيير

فى شكلها من غير ما تقول زى قصة شعرها والفستان اللى لابساه .

16-انها تتكلم معاك عن علاقتكوا ببعض مش معناه انها مضايقة منك أو أن فى مشكلة بالعكس هى ممكن تكون

حابة انها تتكلم عن حالة الاتحاد و الحب اللى بينكم.

17-على عكس ما الرجل بيحب أنه يقعد جنب البنت ,هى بتفضل أنه يكون قصادها و تقدر تبص فى عينيه و  هما

بيتكلموا لأن ده بيخلى العلاقة اللى بينهم تبقى أعمق.

18-الرومانسية هى أكتر حاجة بتفرح البنت  حتى لو كنتم بقالكوا فترة طويلة مرتبطين ,أنك تفاجئها بالورود دى

حاجة هتسعدها بأستمرار و تخليها قريبة منك.

19-كتير مش بتبقى عارف اذا كانت مستعدة للارتباط ولا لسه ؟البنت غالبا حتى لو كانت مستنية انك تعرض

عليها الأرتباط مش بتحب تتكلم أو تأخد أى خطوة انما بتسيب لك أنت الخطوة دى و تشوف لو هتأخذ الخطوة

دى ولا هتنسحب.

Share.

Comments are closed.