اشترك
Buy Neuth France products

علشان نركز محتاجين نلعب

0

مع بداية الجامعة والتركيز فى المواد الجديدة و المذاكرة  كتير من الشباب بيتهيألهم أن خلاص

الرياضة والتمارين مبقلهاش وقت أو انها  تضييع للوقت اللى المفروض يستغلوه بصورة أكبر فى

المذاكرة,الرأى ده مش صحيح خالص بالعكس جدا الرياضة و الترفيه عن النفس والراحة ايجابى

جدا لتقليل التوتر وتهيئة العقل للمذاكرة وصحة الجسم.

– فى الأساس الرياضة بكل أشكالها مهمة جدا لحياتنا اليومية حتى لو كنا مش بنقدرقيمتها الحقيقية ,فمعظم

الأبحاث بتأكد أن الصحة النفسية بتعتمد بشكل كبير على اللياقة البدنية  .

– لازم يكون فى وقت مخصص للرياضة ومعروف فى حياتك علشان يساعدك أن تتغلب على التعب و التوتر و

الأرهاق و يخليك تجدد نشاطك بأستمرار.

– لازم طبعا تحديد ازاى هيتخصص الوقت ده للرياضة ونحدد نوع و شكل الرياضة المفضلة ليك  يعنى ممكن يكون

فى صورة لعبة معينة بنستمتع بيها وبتحفزنا زى كرة القدم .

كرة القدم:

– مش مجرد لعبة مشهورة و كل الشباب بيحبوها وبيتجمعوا علشان ينظموا دورى فيها انما هى كمان مفيدة  و

مهمة جدا وبتريح من الأجهاد أخر كل أسبوع ,وبتساعد كمان فى أكتساب مهارات حياتية زى انها بتشجع

الشباب أنهم يقدروا يتحكموا فى الموقف وبتدعم روح الجماعة وازاى الشاب يتعب علشان فوز فريقه كله.

-كرة القدم لوحدها فيها عدة تمارين متنوعة زى الركلة السريعة والجرى و القفز وصد وشوط الكرة .

-لعب كرة القدم مع الأصحاب بيعادل برنامج لتمارين الجرى و بيكون ليه نفس نتيجة اللياقة البدنية .

-كرة القدم طريقة مرحة لخسارة الوزن والاسترخاء وكمان بتزود سرعة تدفق الدم للمخ وفى نقل السكر و

الاكسجين لباقى الجسم وبتزود من مستوى التركيز وبتخلى العقل مستعد للمذاكرة تانى من أول الأسبوع.

-يعنى كرة القدم هى اللعبة اللى هتبسطك مع أصحابك وهتفيدك وهتخليك تتخلص من التأثير السلبى للضغط

والتعب وهتعلى النظرة الايجابية عندك.

Share.

Comments are closed.