اشترك
Buy Neuth France products

إزاي تهيأي طفلك صحيا و نفسيا لأول يوم دراسة ؟

0

في معلومات أساسية لازم طفلك يكون عارفها، خصوصا لو هيبدأ يروح المدرسة لازم يعرف إزاي

يحمي نفسه من اي عدوي و يحافظ على نظافته الشخصية و كمان يهتم بصحته.و من أهم

المعلومات دي :

1- عرفي طفلك إن الجراثيم بتنتشر لو لمسوا عينيهم، فمهم أو أنفهم قبل مايغسلوا إيديهم أو يستخدموا سائل

معقم اليدين .

2- علمي طفلك يستخدم مناشف أثناء الكحة أو العطس .

3- مينفعش طفلك يشارك أدوات زي فرشاة الأسنان ، فرشاة الشعر مع زملائه .

4- لو حد من زملائة عنده جرح، ميحاولش يلمس الجرح أو الدم النازل من الجرح .

5- لازم طفلك يحصل على وجبة الفطار قبل ما يروح المدرسة عشان يمد جسمه بالطاقة و المواد المغذية اللي

هتساعد جسمه يكون قوي و ميصبش بأي عدوى .

6- خلي ال Lunch Box  فيه الفاكهة و الخضار اللي هتساعد في تعزيز مناعة طفلك .


كمان متنسيش إنك لازم تهيأيه نفسيا إنه يروح المدرسة :

1- لو دي أول سنة لطفلك ممكن تأخذيه للمدرسة يوم وتعرفيه على المدرسين .

2- وأنتي بتشتريله الأدوات اللي هيستخدمها في المدرسة خليها رحلة ممتعة وخليه يكون متشوق إنه

يستخدم الأدوات دي .

3- نظمي مواعيد نومه و أستيقاظة قبل بدء الدراسة عشان ميشعرش بإختلاف شديد في فترة الدراسة وكمان

ميصبش بالتعب و الإرهاق .

4 – عوديه إنه يوضب هدومه و حاجته من بدري عشان ميكونش مشتت الصبح .

5- ممكن تفاجئيه في أول يوم دراسي وتخلي شخص بيحبه إبنك يكون موجود زي الجد ، الخال .

6- ممكن تحددي له مهمات يعملها أول يوم وتكافئيه عليها بشيء يكون بيحبه  .

Share.

Comments are closed.