اشترك
Buy Neuth France products

الغذاء السليم لابنائك اثناء الدراسة

0

وانتى بتحضرى وجبة الافطار لطفلك خدى بالك من الحاجات ديه :

1 – حاولى تغيرى نوع الخبز عشان لما طفلك بيتعود على نوع واحد من الخبز بيخليه ماياكلش السندوتشات

بتاعته

2- الخبز البلدى بدل من الخبز الفينو أو الشامى افضل لصحة طفلك

3- غلفى السندوتشات بشكل يجذب انتباه طفلك ويخليه ياكل اكله ويحبه

4- قطعى السندوتشات باشكال مختلفة على شكل ارنب أو وردة أو سمكة

5- خلى بالك من علب المدرسة اللى بتتفاعل مع الاكل

6- لو طفلك فاقد الشهية ممكن تديله كريم كراميل أو بيض بالطماطم “شكشوكة”

7- لوطفلك بياكل كميات قليلة من الطعام حاولى تزودى الكمية بشكل تدريجي، لو كان طفلك بيحب

سندوتشات الشيكولاتة قدمي له سندوتش الجبنة قبل الشيكولاتة، وخلى سندوتش الشيكولاتة مكافأة له

عشان لما ياكل سندوتش الجبنة، بطريقة دع بتهيىء معدة طفلك لكمية معينة من الأكل.

8- اعرفى الاصناف اللى بيحبها طفلك واللى مش بيحبها ، اساليه ايه السندوتشات اللى يحب ياخدها معاه

المدرسة 


اقتراحات لوجبة افطار مليانه طاقه :

– لازم طفلك فى الفطار يشرب اللبن ،لانه غنى بالكالسيوم الضرورى للنمو

– كمان الفطار لازم يكون فيه  النشويات فهى بتعادل حوالى نصف رغيف خبز أو نصف كوباية كورن فلاكس أو

قطعتين بسكويت

الميني بيتزا : البيتزا من الأطعمة المحببة للطفل، وممكن ياخدها المدرسة بسهولة، وكمان البيتزا فيها

قيمة غذائية عالية ما بين الخضروات والقمح

– حاولى فى الفطار تخلى طفلك ياكل االفاكهة ( ويفضل أن تكون غير معصورة ), فهي غنية بالفيتامينات

والمعادن والسكر

– ممكن تحضرى لطفلك سلطة مكونة من خيار وطماطم وخس و تكون مقطعة بشكل طولي وتحطيها في

أكياس أو علب صغيرة ممكن طفلك من ياخدها معاه المدرسة

– ياريت تديله عصائر طازجة بدلا من العصائر المعلبة عصير البرتقال وعصير الجوافة مفيد جدا .


اقتراحات لوجبة غذاء تجدد نشاط اولادك :

– نوعى فى تقديم الخضروات اللى لونها اخضر زى ( البقدونس ، السبانخ ، البروكولى ) فهى مصدر مهم

لفيتامين A  وفتيامين C والبقوليات مصدر هام للالياف

– قدمى لطفلك السمك فهو غنى بالبروتين و أوميجا 3 وبيحافظ على انسجة الجسم

– لازم وجبة الغداء تحتوى على طبق سلاطة مكون من خمس ألوان أبيض وأخضر وأحمر وبرتقالى وبنفسجى

وكترى من البصل والثوم لفوائدهم فى تقوية المناعة والوقاية من الأمراض اللى ممكن تصيب طفلك بالمدرسة..

– قدمى لطفلك كميات متوازنة من اللحوم والدواجن

 

وجبة العشاء .. خفيفه وصحية :

– اعطى لطفلك كوباية زبادى كبيرة أو لبن .

– طبق من الفواكه اللى مش عالية السعرات زى البرتقال والجوافة واليوسفي وغيرها .

– شريحتين توست أسمر مع بيضة مسلوقة أو شريحة جبنة منخفضة الدسم وشرائح من الخيار أو الخس أو

الطماطم أو الجزر .

– قطعة من البطاطس المشوية مع تتبيلة من الزبادي والتوابل والبقدونس والكزبرة الخضراء أو قطعة من البطاطا

المشوية .

– قدمى الأغذية اللي بتحتوي على الحديد والبوتاسيوم معاً زى: العسل الأسود والموز والفواكه .

 

– اثناء المذاكرة … الامداد حيفضل مستمر

– ضعى قطع الفاكهة زى الموز أو التفاح بدل من عصائر الفاكهة المضاف اليها السكر

– قدمى لطفلك المكسرات خاصة اللوز والكاجو فهى وجبة خفيفة غنية بالدهون والالياف والعناصر الغذائية

– كوباية صغيرة من آيس كريم الفواكه مع سكر بسيط (لا يفضل آيس كريم الشوكولا عشان بيكون عالي السكر)

– كوباية من الميلك شيك بالفاكهة مع سكر بسيط، وتفضل نكهات الفاكهة دون الشوكولاته وصوص الكريمة

وغيرها .

Share.

Comments are closed.