اشترك
Buy Neuth France products

هنروح فين فى العيد

0

هنروح فين فى العيد ؟وهنقضى العيد ازاى؟ومع مين؟ بتكون من أول الأسئلة اللى بنسألها

لنفسنا قبل العيد علشان نبتدى نحضر نفسنا  و كل واحد بيكون ليه خططه الخاصة أو بتكون خطة

خاصة بكل العائلة علشان كدة محتاجين نتعرف على شوية نصائح صحية علشان نستمتع بأحلى

الأوقات فى العيد و أحنا جسمنا سليم و خالى من أى مرض:

 

1- الأماكن المزدحمة و التجمعات :   

الأزدحام فى الشوارع و وسائل المواصلات  بيتسبب فى نقل كتير من الأمراض و خصوصا أمراض الجهاز

التنفسى ومن أهمها التهابات الشعب الهوائية و مايصاحبها من رشح و انفلونزا و أرتفاع فى درجة الحرارة ده

غير  التدخين فى المواصلات و اللى بيتسبب فى الشعور بضيق التنفس و الأزمات الربوية و أنتشار السعال بين

المواطنين .

 

2- الخروجات :

فى المولات التجارية وفى المطاعم والمنتزهات وأماكن الترفيه المزدحمة بيخلى أنتشار الأمراض بين الناس

أسهل.

 

3-الزيارات والتجمعات العائلية :

فزيادة مقابلة الأشخاص و كثرة الزيارات و المصافحة والتقبيل ممكن انها تكون سبب فى نقل أمراض كتير ده غير

أختلاف درجات الحرارة و البرودة من بيت لآخر.

 

4- صالونات التجميل :

اللى بتزدحم بشكل كبير فى العيد وده بيخلى العاملين ما يهتموش بتنظيف الأدوات بشكل مناسب.

 

. نصائح عامة لتجنب الأصابةبالامراض فى العيد :

1 – محاولة تجنب الأماكن المزدحمة.

2- تغطية الأنف والفم بالمناديل أثناء العطس أو السعال.

3- التقليل من القبلات الزيادة.

4-غسل اليدين و الوجه بالماء و الصابون بأستمرارو المحافظة على النظافة الشخصية.

5-لبس الملابس المناسبة لدرجات الحرارة والمناسبة للجسم ومش بتسبب حساسية.

6-عدم التدخين فى الأماكن المزدحمة و البعد عن المدخنين فيها.

7-أحضار الأدوات الخاصة و استخدامها فى صالونات التجميل و الذهاب للأماكن المعروفة.

8-عدم لمس العين أو الفم أو الأنف باليدين الا بعد غسلهما.

Share.

Comments are closed.