اشترك
like Sofy on Facebook

الامراض الجلدية ..خد بالك منها

0

فى فترة زى فترة الحج  او بدايه الدراسه بتكون اكتر فترة فيها تجمعات بشريه بشكل كبير ..ولأن

فيه عوامل تانيه كتير بتساعد على نقل الامراض بسهوله ..فبيكون انتقال الامراض زى الامراض

الجلديه سهل جدا .. وللاسف معظم  الاشخاص المصابين بيستهينوا بيها وبيستعملوا اى كريم

مضاد للفطريات وخلاص وهما ميعرفوش انهم كدة ممكن يؤدوا ان الحاله تسوء اكتر .. لكن هناك

اسباب رئيسية بتؤدى للاصابه بالامراض دى زى ..


1-  العطور …. النساء بيصابوا بامراض جلدية عشان هما بيستخدموا العطور وبيتعرضوا للشمس فبيؤدى الى بقع

سمراء أو حمراء .

2- غرف النوم الغير نظيفة بتسبب الاصابة بالحساسية والامراض الصدرية .

3- استخدام الانواع السيئة من مستحضرات تجميل ( المكياج ) .

4- التقبيل بيودى الى الاصابة ببعض الامراض الجلدية كالتينيا الملونة أو العادية والسنط ، وبيؤثر ده على منطقة

حول الفم والأنف .

5- “كتر العرق أو ان الجلد يفضل مبلول لفترة طويلة ، بيودى الى ظهور التينيا العادية” أو الملونة فهى عبارة عن

بقع أفتح من لون الجلد أو أغمق، وبيكون فيها قشور خفيفة، و بتنتشر فى الرقبة والوجه وأعلى الصدر، عشان

كده منحطش هدوم المصاب أو الفوط أو اى حاجة بتلمس الجلد مع بقية هدوم الاسرة ،وبرده هدوم المصاب

لازم تتغسل بماء ساخن أو مغلى ، الأشخاص اللى هما اكتر عرضة للإصابة بعدوى الأمراض الجلدية هما اللى

عندهم  قابلية وراثية للعدوى

6- مرض السنت ( اجزاء جلدية زايدة تنمو بسب اصابة الجلد ببعض الفيروسات ) يعتبر نوع من أنواع الفيروسات

الجلدية اللى بتؤدى إلى ظهور بثور ملمسها خشن، وممكن تنتشر فى الوجه أو الدقن. 

7- كمان الأمراض اللى بتتنقل عن طريق السلام باليد الجرب فهو مرض جلدى بيسبب وجود بثور صغيرة بين

أصابع اليد وده بيؤدى إلى الشعور بالحكة

 

ننصحك بأتباع الخطوات دى من اجل سلامتك وسلامه عائلتك : 

1- الالتزام بالنظافة الشخصية وغسل الأيدى مرتين فى اليوم،

2- عدم استخدام الأدوات الشخصية للغير

3- ياريت نقلل من عادة التقبيل

4- تجنب التواجد فى الاماكن اللى فيها تجمعات

5- فصل ملابس المصاب عن بقية ملابس الاسرة اثناء التنظيف

6- اثناء التواجد فى المساجد يفضل اخذ المصليه الشخصية

7- يفضل ان يكون كل شخص له ملابسة الخاصة به

Share.

Comments are closed.