اشترك
Buy Neuth France products

اضحك الصورة تطلع حلوة

0

أسرارك لأسنان متألقة :

الأسنان هى اللؤلؤ الأبيض اللى بينور أبتسامة الوجه بس ساعات بتفقد تألقها بسبب اللون

الأصفر أو الرمادى اللى بيظهر عليها واللى ممكن يكون ليه علاقة بالسن أو بسبب نوع معين من

الأكل أو المشروبات أو حتى معاجين الأسنان .

ممكن تساعد نفسك أنك تتخلص من البقع دى وتتجنبها تماما ,علشان تحافظ على سنان بيضاء و

ابتسامة جميلة و صحية فى الوقت نفسه:

1- البقع البسيطة بيكون التخلص منها أسهل و فى منتجات كتير لتبيض الأسنان  و العناية بيها زى الشرائط و

معاجين الأسنان المتخصصة اللى متاحة لينا على رفوف الصيدليات وممكن كمان نستشير دكتور الأسنان لو

الألوان صعبة أننا نشيلها.


2- أدوات تبيض الأسنان بتحتوى على بروكسيد كارباميد  ,المبيض اللى بيزيل البقع العميقة و السطحية 

وممكن انه يستخدم لو أثار القهوة  هى اللى مغيرة لون الأسنان .


3- شرائط تبيض الأسنان بتساعد كتير للتخلص من البقع و بتكون رفيعة وتقريبا غير مرئية ومغلفة بجل

البروكسيد المبيض وبتحطوا على الأسنان دقائق قليلة لمدة أسبوع أو أكتر لغاية ما بتبدأ نتايجها تظهر  .هى

صحيح مش بتكون سريعة فى مفعولة لكن نتيجتها بتستمر فترة طويلة و مضمونة الى حد كبير.


 4- الجل و معاجين الأسنان  بيساعدوا فى التخلص من أى أثار على الأسنان ومش بيكون ليهم تأثير على لون

الأسنان الطبيعى.


5-الكرفس والتفاح والكمثرى والجزر  بيساعدوا فى افراز مواد بتزيل أثار بقايا الطعام من على الأسنان واللبان

الخالى من السكر بيعمل برده على تنظيف الأسنان .


6-طبعا تنظيف الأسنان بيكون بحذر لو كنت مستخدم قشرة فينيير أوحشو للأسنان أو أى مواد صناعية على

أسنانك واللى المبيضات  مش بيكون ليها أى تأثير عليها ووقتها لو فقدت لونها هتروح لدكتور الأسنان اللى

هيتابع معاك.


7-مع التقدم فى العمر الطبقة الخارجية من المينا الموجودة على الأسنان بالتأكل والطبقة اللى تحتها بيبقى

لونها أصفر أكثر منها فمن الأفضل تجنب تغيير لون الأسنان من البداية والأهتمام بالأكل و المشروبات اللى

بتحافظ عليها لأن تبيض الأسنان و قتها ممكن يظهرها بشكل شفاف .


8-التدخين بقى شائع أوى بين الشباب دلوقت وغير طبعا أضراره الكبيرة جدا على الصحة بيكون ليه أضرار على

الأسنان لأنه بيصبغها باللون البنى وبيأثر على المينا والصبغة اللى بيتسبب فيها التوباكو بيبقى صعب جدا

التخلص منها بالطرق العادية فمن الأفضل طبعا الأمتناع عن التدخين من البداية.


9-كتير من المشروبات بيكونا ليها تأثير على الأسنان و على لونها زى القهوة و الشاى و المشروبات الغازية

الغامقة وتأثيرها .


10-بيظهر على المدى البعيد فالأفضل  أننا نلاحظ الكمية اللى بنشربها و أكيد أن الأعتدال هو الأحسن دائما.


11-بعض العصائر واللى بيكون ليها فوائد وبتحتوى على المواد المضادة للأكسدة زى عصير العنب و التوت البرى

لكنها بتأثر على لون الأسنان و صبغتها طبعا مش المقصود الأمتناع عنها لكن غسل  الأسنان كويس بعدها.


12-فى أنواع من الفواكه و الخضروات بيكون ليها الألوان اللى بتأثر على لون الأسنان زى التوت والعنب البرى

والبنجر لكن طبعا فوائدها الغذائية عالية فعلشان نعرف نأكل منها براحتنا ومن غير ما تسيب أى تأثير على

صحتنا نراعى: غسل الأسنان بالفرشاة بعد أكلها,غسل الفم بالماء.


13-بعض مشروبات الطاقة والرياضة ,بتشير بعض الأبحاث زى عصير الليمون المعبأ فى زجاجات ممكن تسبب

تأكل مينا الأسنان بعد فترة طويلة من الشرب فتكون النتيجة أسنان رقيقة و شفافة و مشوهة فالأفضل عدم

شرب كميات كبيرة منه و غسل الفم بالماء بمجرد شربه.


14-من أبسط طرق العناية الدائمة بالأسنان :الأنتظام على غسل الأسنان بالفرشاة و المعجون بعد كل وجبة

وأستخدام الخيط لتنظيف ما بين الأسنان علشان يمنع أصفرار وتغيير لون الأسنان.


15-المتابعة المستمرة لطبيب الأسنان وعمل فحص دورى.

Share.

Comments are closed.