اشترك
Buy Neuth France products

الف سلامة

0

الأمســــاك …. مهما حاول أى شخص أنه يتجاهله و يكمل يومه عادى هيبقى صعب نتيجة للآلام

اللى بيسببها و أنه بيخلي الشخص مش قادر يركز والأطفال بالذات بيسبب لهم مشكلة كبيرة

وممكن يرفضه يروحوا المدرسة بسببها واى أم بتدور على حل و كل واحد بيعانى من الأمساك 

هيبقى نفسه يعرف الأسباب و يلاقيلها حل…


ايه هو الأمساك :

الامساك  هو  قلة خروج البراز .وكمان الإمساك يعني البراز الصلب ، وصعوبة مرور البراز ، أو الإحساس بعدم

خروج كل البراز  .


اسباب الامساك :

1- الادوية                                                                                               2- الوجبات الغذائية قليلة الالياف

3- الاضطربات الهرمونية                                                               4- ضعف قاع الحوض

5- القلق والاكتئاب                                                                          6- امراض الجهاز العصبى المركزى

7- خلال الحمل

 

مصادر الالياف اللى بتساعد فى علاج الامساك :

– الفواكه والخضروات

– القمح والشعير

– ممكن تسبب كترة الالياف انتفاخ البطن والغازات

 

طيب حل المشكله دى ايه ؟؟

1- تناول أكبر قدر ممكن من الماء، بيعطى القدرة على تنظيف الجهاز الهضمى، والكلى.

2- ابعد عن المشروبات الغازية أو اللى بتحتوى على الكافيين لأنها من المشروبات المدرة للبول، وبالتالى

تعرض الجسم للإصابة بالجفاف .

3-تناول الأطعمة اللى بتحتوى على الألياف النباتية مثل الخيار، الجزر، الجرجير، الطماطم.

4-ممارسة الرياضة، وخاصة المشى، بيعمل على تجديد الدورة الدموية للإنسان وبالتالى تساعد على

تحسين أداء الجهاز الهضمى وحل مشكلة الإمساك.


مريض الإمساك .. ياكل ايه ويبعد عن ايه ؟


السعرات الحرارية :

ينصح باعطاء نفس كمية السعرات اللى بنعطيها للشخص العادى حسب العمر والجنس والعمل.

البروتنيات :  

ينصح باعطاء من 60 الى 80 جم بروتين يوميا

الكربوهيدراتات :  

وهذه يجب تناولها بكميات كافية وبخاصة فى شكل خضروات وفواكه كاملة عشان بتحتوى على الألياف وكمان

فى صورة خبز بالردة

الفيتامينات :

المفروض ياخد كميات كافية من فيتامين ( ب) ويفضل اعطاؤه فى صورة خميرة بيرة، حيث أنه يساعد فى تنظيم

وظيفة الأمعاء.

 المعادن:

بيحتاج المرضى المصابون بأمراض حادة الى كمية كافية من البوتاسيوم فى صورة شوربة خضروات وعصير

فواكه أو أملاح بوتاسيوم عن طريق الفم لمنع الإمساك.

السوائل :  

لازم ياخد كميات كافية من السوائل بما يعادل 10 أكواب أو أكتر فى اليوم الواحد أثناء الطقس الحار ، كما ن تناول

السوائل الدافئة زى الشاى الخفيف أو الماء الدافىء فى الصباح  على المعدة فارغة يساعد بعض الناس على

التبرز.

 

اما عن علاج الامساك عند الاطفال ..

1- أمنعي طفلك من الوجبات السريعة لأنها سبب رئيسي في الإمساك, وخلى طعامه به كمية كتيرة من

الأطعمة المليانة بالألياف فهى سبب رئيسي في علاج الإمساك للكبار والأطفال أيضا.

2- شجعيه علي أكل الفواكه زى ,المشمش, والعنب, والكمثري, والتفاح, فهي مليانة بالألياف. اللي بتساعد في

علاج الإمساك وابعدى عن الموز لأنه يساعد علي حدوث الإمساك. 

3- الخضروات زى الجزر, والبسلة, الفاصوليا الخضراء, بتساعد في منع إعراض الإمساك عند طفلك. 

4- خليه يشرب كمية أكثر من عصير الفواكه و الماء فهو من أهم العوامل في تفادي حدوث الإمساك. 

5- شجعيه علي بذل إي نشاط رياضي. 

6- حطى جدول زمني لدخول الحمام عشان تبعدى  طفلك من الإمساك المؤلم. 

7-تأكدي من أن غذاء طفلك بيحتوى على الأطعمة الغنية بالألياف مثل الفواكه والخضروات، والحبوب الكاملة

والخبز والحبوب والعدس والفول

Share.

Comments are closed.