اشترك
Buy Neuth France products

كل شيء عن كبسولة منع الحمل

1

كبسولة منع الحمل .. ودي من وسائل منع الحمل المعروفة، وهي عبارة عن كبسولة  بحجم خلة

الأسنان بتوضع تحت الجلد في الجزء العلوي للذراع ، وهي مصنوعة من البلاستيك وبتحتوي

على البروجستيرون .


أزاي بتعمل الكبسولات دي على منع الحمل ؟

في وجودها تحت الجلد ، بتقوم الكبسولة بإفراز هرمون البروجستيرون بكميات قليلة وبكدة بتمنع الغدة

النخامية  المبيض عن إفراز البويضات.كمان بتحدث تغيرات في جدار الرحم و مخاط عنق الرحم فبيعيق وصول

السائل المنوي للبويضة.


أمتى بتوضع الكبسولة دي ؟

التوقيت مهم جدا في وضع كبسولة منع الحمل ، هي بتوضع خلال أول سبعة أيام من وجود الدورة الشهرية لما

بتكوني بتستخدمي حبوب منع الحمل. ولازم يقوم الطبيب بوضعها وضروري جدا يعملك إختبار حمل قبل وضعها

. و بتبدأ الكبسولة في عملها خلال 24 ساعة من وضعها.


وفاعليتها ؟

بتقدر الكبسولات دي في العمل على منع حدوث الحمل لمدة 3 سنوات بنتيجة مضمونة بنسبة 99%. كمان من

مميزاتها إنها بتقلل النزيف أثناء الدورة الشهرية وده مفيد جدا للي بيعانوا من الأنيميا، كمان بتقلل من

التشنجات و الألم المصاحب للدورة الشهرية.


هل في موانع لأستخدام الوسيلة دي ؟

في بعض الحالات اللي بيمنع فيها إستخدام كبسولة منع الحمل :

1- في حالة وجود حمل

2- في حالة وجود نزيف شديد أثناء الدورة الشهرية

3- في حالة وجود مرض في الكبد

4- في حالة الإصابة بسرطان الثدي

5- وفي بعض الأدوية اللي بيتحد من عمل الكبسولات، فلازم تستشيري الطبيب .


هل للكبسولات آثار جانبية ؟

أشهر عرض هو النزيف الشديد وفي أعراض تانية زي :

– الصداع                                                                     – الزيادة في الوزن

– أضطراب الحالة المزاجية

– والحاجات دي مش بالضروري تحصلك ، لكن لازم تكوني على دراية بيها وفي حالة حدوثها تكوني عارفة

السبب.


ملحوظة مهمة :

في بعض السيدات بتتوقف عندهم الدورة الشهرية مدة وجود الكبسولات، ده طبيعي و سببه أن المبيض مش

بيقوم بإفراز البويضة كل شهر و بالتالي مبيحصلش نزيف. لكن كل شي هيرجع لطبيعته بعد إزالة الكبسولة.

Share.