اشترك
Buy Neuth France products

نصائح لعلاج الحروق المنزلية

0

نصائح لعلاج الحروق المنزليه

نتيجة انشغالك بأمور كتيرة فى المطبخ فممكن تنسى وتمسكى الاوانى الساخنة و ساعات وانتى

بتكوى ممكن تتلسعى عشان مسكتى المكواة وهى سخنة  وعشان كده لازم تحددى نوع الحرق, هل

هو نارى ، نتيجة سائل ساخن، كيمائى ،كهربائى.

نتيجة للحروق ديه مش بتقدرى تكملى باقى أمور البيت ، قبل ماتتحدى الاسعافات الاولية لازم تعرفى

انواع الحروق:

– حرق الدرجة الاولى (سطحية) :

وبتصيب طبقة الجلد السطحية ، وبعدها بيكون فى احمرار فى الجلد والم وتورم بسيط مكان الحرق،

لكن مش بيترك أى اثار بعد اختفاء الحرق

– حرق الدرجة الثانية (جزئية) :

مش بيعدى الطبقة الداخلية للجلد وبيكون فى احمرار فى الجلد لونه جامد وفقاقيع ممتلئة بالسوائل

وتورم مكان الحريق ومش بيسيب أى اثار على الجلد وبيأخذ وقت ويختفى

– حرق الدرجة الثالثة (كلية) :

بيكون الحرق ده فى كل طبقات الجلد وبيصل للعظام وبيكون لونه بنى وبيوصل للعظام وبيترك اثر فى الامكان المحروقة


– فى حالة الحروق السطحية :

– ابعد الشخص عن مكان الحريق

– حط ماء بارد على الحرق لمدة خمس دقائق متواصلة بشرط ما تكونش مثلجة

– انقع اكياس الشاى فى الماء البارد بعد كده اغمس المنطقة المصابة فيها لدقائق وبعد كده حط اكياس

الشاى على المنطقة المصابة لفترة

– غطى الحرق بشاش معقم و متضغطش جامد على منطقة الحرق


أما بالنسبة لحروق الدرجة الثالثة وحروق الدرجة الثانية :

اللي بتكون الأماكن المتأثرة في الجسم تفوق نسبة %50 ، يعنى الحروق الخطيرة فهى بتحتاج عناية

طبية فائقة.


الإسعافات الأولية للحروق الكيميائية :

– ابعد عن المصدر الكيميائى اللى بيسبب الحرق .

– استخدم الماء الجاري البارد بكميات كبيرةعلى الحرق حتى وصول المساعدة الطبية .

-اخلع الملابس الملوثة لو أمكن .


لو تعرضت العين للحرق الكيميائي :

تغسل بماء دافئ من ناحية الأنف عشان تخرج المادة الكيميائية بعيدعن الوجه لمدة 20 دقيقة

لغاية لما توصل  العناية الطبية.

الإسعافات الأولية للحروق الكهربائية :

– ابعد عن المصدر الكهربائي الذي يسبب الحرق .

– حدد عمق الحرق .

– غطى الحروق بضمادة جافة معقمة .

الوقاية و الاحتياطات للسيدات أثناء القيام بالأعمال المنزلية :

– انتبهى و انتى بتعملى الأعمال المنزلية .

– خلى فى  فتحات تهوية أو منافذ للهواء .

– خلى طفاية الحريق بالقرب من المطبخ .

– خلى فى أجهزة إنذار للحريق .

– وممكن تستخدمي العسل وتحطيه لوحده على الحروق فهيزيل الألم وهيساعد على الإلتئام السريع. 

 

Share.

Comments are closed.