اشترك
Buy Neuth France products

لازم تعرفى .. سرطان الثدى أعراضه والتعامل معه

0

يعنى ايه سرطان الثدى :

هو نتيجة نمو غير طبيعى لخلايا الثدى والخلايا المصابة بتنقسم و تتضاعف بسرعة و بتكون قطعة أو كتلة من

الأنسجة وبتبدأ فى الأنتشار الى داخل الغدد الليمفاوية ولأعضاء أخرى فى الجسم وعلى الأغلب انه بيبدأ فى

غدد أنتاج الحليب وممكن أنه يبدأفى الفصوص الفرعية أو فى غيرها من أنسجة الثدى.

 

أسباب سرطان الثدى :

فى عوامل بتزود من احتمال الأصابة بسرطان الثدى لكن مش بالضرورى تكون هى المسبب ليه

و مش بالضرورى أن أى شخص عنده واحد من العوامل دى انه هيصاب بسرطان الثدى لكن من

الأفضل الأنتباه ليها و تجنب العوامل اللى ممكن التحكم فيها :

1- السن وزيادة عمر المراة عن سن ال50 عام.

2- الأسباب الوراثية فحوالى من 5%-10% من حالات سرطان الثدى تعود الى أسباب وراثية.

3- البلوغ المبكر أو أنقطاع الطمث المتأخر.

4- السمنة المفرطة وزيادة الوزن.

5- الشرب المفرط للكحوليات.

6- التدخين.

7- التعرض بالأشعاعات .

8- الهرمونات و أرتفاع مستواها .

9- بعض الأغذية الغير صحية .

 

أكتشاف سرطان الثدى :

 الكشف المبكر لسرطان الثدى بيزيد كتير من أحتمالات الشفاء من سرطان الثدى وفى بعض

الأعراض اللى بتظهر وممكن المراة تلاحظها بنفسها و تلجأ للطبيب فورا بعد ملاحظتها :

 1- الشعور بألم غير عادى فى الثدى.

2- ظهور كتلة فى الثدى .

3- خروج افرازات غير طبيعية و ممكن انها تكون مخلوطة بدم أو لا.

4- تغير فى شكل الثدى أو فى جلد الحلمة أو تقلص فى الجلد أو تشوه داخل الحلمة.

 …. من الأفضل اجراء فحص دورى مع الطبيب بشكل دورى كأجراء للوقاية و الكشف المبكر عن الأصابة بسرطان

الثدى .

ممكن أن الطبيب يقوم بفحص فى العيادة للمتابعة لكن  علشان يتأكد و يقدر يحدد اذا كان الورم ده حميد أو

خبيث ده بيعتمد على عدة فحوصات زى الفحص الفيزيائى و التصوير الأشعاعى و الكشف بمساعدة الحاسوب(

cad) و تصوير الثدى الشعاعى الرقمى أو التصوير بالرنين المغناطيسى ( MRI)  أو الفحص بالموجات فوق

الصوتية أو الخزعة وهى أكتر فحص بيقدر يأكد وجود الخلايا السرطانية وبيساعد فى تحديد الحاجة لعمل

جراحة أو لا و ايه نوع الجراحة المطلوبة.

 





الوقاية من سرطان الثدى :

مفيش وسيلة معينة تقدر تضمن عدم الأصابة بسرطان الثدى لكن فى اجراءات وقائية بتقلل من

احتمالات الأصابة :

 1- أستخدام بعض الأدوية اللى بتقلل من خطر الأصابة بسرطان الثدى .

2- عدم شرب الكحول.

3- تجنب العلاج بالهرمونات .

4- الحفاظ على وزن صحى و سليم.

5- ممارسة الرياضة بأنتظام.

6- تناول الأطعمة الغنية بالألياف.

7-تناول الفاكهة و الخضروات .

8-التقليل من الدهون.

Share.

Comments are closed.