اشترك
Buy Neuth France products

نصائح لبطن مشدودة

0

كل واحد فينا بيحب ان بطنه تكون مشدودة ، لكن بسبب شرب المياه الغازية وتناول الشيبسى  بطنك

بتكون منتفخة ومش هتقدر تقفل زرار البنطلون  ، انتفاخ البطن مش هيخلى شكلك حلو مش بس

كده،لكن هيخليك تحس ان انت مش مرتاح ، انتفاخ البطن ممكن يكون سببه مشاكل صحية زى امراض

فى الكبد أو القلب لو مش سببه المشاكل الصحية ديه ممكن يكون سببه الغازات المعوية لكن مش

الماء.

ايه اللى بسبب الغازات فى البطن وازاى يكون شكلك كويس؟

1- تجنب الامساك

لو بتاكل الياف قليلة ، وبتشرب سوائل قليلة وحركتك قليلة كل ده هيسببلك امساك وهينتج عنه

الانتفاخ ، عشان تتنجب الامساك خلي نظامك الغذائى غنى بالالياف (25 جرام  للمرأة و 38 جرام

للرجل كل يوم) من الحبوب الكاملة ، الفاكهة ، الخضروات ،الفاكهة ،البقوليات ، المكسرات وكمان

اشرب سوائل كتير (6 الى 8 كوبايات) فى اليوم ومارس الرياضية لمدة 30 دقيقة فى اليوم خمس مرات

فى الاسبوع

2- ابعد عنك حساسية القمح وعدم تحمل اللاكتوز

الاكل اللى بيسبب الحساسية هيسببلك غازات وانتفاخ لكن لازم تتاكد من الدكتور ، كتير من الناس

بيقدروا يحددوا بنفسهم الاكل اللى بيسببلهم الحساسية ومش ضرورى انهم يمنعوا  الالبان الصحية

والحبوب الكاملة من النظام الغذائى بتاعهم. لو انت انت حسيت ان انت عندك حساسية لازم تروح

للدكتور ، ممكن تقلل الاكل ده ،اما فى حالة الالبان ممكن تختار الجبنة او الزبادى قليلة فى اللاكتوز.

3- ما تاكلش بسرعة

لما تاكل بسرعة وعدم مضغ الاكل كويس هيخليك تبلع الهواء وهيسببلك انتفاخ ،كل ببطء وامضغ الاكل

كويس واستمتع به ، الوجبة لازم تاخذ على الاقل 30 دقيقة ، لازم تعرف ان الهضم بيبدأ بالفم وممكن

تقلل الانتفاخ لما تمضغ الاكل كويس . وكمان هتستفيد لما تاخذوقت وتمضغ الطعام كويس هتستمتع

بوجبتك وهتكون مبسوط. الدرسات بتقول لما تاكل الاكل ببطء هتاكل اكل اقل.

4- ماتشربش المياه الغازية بكميات كبيرة

الفوران اللى فى المياه الغازية هيخلى الغاز ينحصر فى بطنك ، بدل ماتشرب المياه الغازية ممكن

تشرب ليمون أو على الاقل قلل من شرب المياه الغازية اللى بتشربها كل يوم ، حاول ان تشرب شاى

بنعناع عشان يقلل الانتفاخ. 

5- ما تاكلش لبان كتير

اللبان هيخليك تبلع الهواء وهسببلك انتفاخ ، لو انت عندك عادة ان انت تمضغ اللبان ممكن تبدله و تاكل

البونبون أو كل الاكلات الخفيفة والصحية زى الفاكهة ، الخضروات ، الفشار(قليل الدهون)

6- ابعد عن الاكل اللى فيه سكر

كتير من الناس بيعانوا من الانتفاخ بسبب انهم بياكلو اكل فيه سكر كتير زى الحلويات أو بيشربوا

مشروبات فيها سكر وده بسبب الانتفاخ ، الخبراء بينصحوا بعدم اكل اكتر من 2 او 3 من المشروبات

والاكلات المسكرة كل يوم.

7- ابعد عن الصوديوم

الاطعمة المصنعة بيكون فيها صوديوم كتير والياف قليلة فبتسبب انتفاخ ، عشان كده لازم تقرأ اللصق

اللى على اى اكل لما تشتريه سواء معلب أو مجمد واختار الاكل اللى بيحتوى على  اكتر حاجة 500

جرام من الصوديوم فى الوجبة او فى اليوم  خذ من 1200 جرام الى 2300 جرام من الصوديوم ، دور

على الاكل اللى مكتوب عليه خالى من الصوديوم أو قليل من الصوديوم

8- كل قليل من الفول والخضار المسبب للغازات

لو انت مش بتاكل الفول  اللى بيسببلك الغازات ممكن تاكل الاكل اللى متعلق بالخضار زى الكرنب ،

القرنبيط ، ده مش معناه انك متاكلش الخضروات المغذية و الغنية بالالياف ، متقلقش من الفول كله فى

النظام الغذائى بتاعك لغاية لما جسمك يتعود عليه أو ممكن تاكل الاكلات اللى مش بتعمل غازات اللى

هتساعدك انك تقلل الغازات اللى فى الفول أو الخضروات

9– كل وجبات صغيرة على فترات

بدل ما تاكل 3 وجبات كبار كل يوم ، حاول تاكل وجبات صغيرة علطول ده هيخليك متحسش بالانتفاخ

اللى بيحصل بذات لما تاكل وجبات كبيرة ، لما تاكل على فترات هيخليك تتحكم فى سكر الدم ومش

هتحس ان انت جعان ، عشان كده كل من 5 الى 6 وجبات كل يوم  واتاكد ان كمية الاكل والسعرات

الحرارية مناسبة لاحتياجتك

10-حاول تجرب الاكلات والمشروبات الغير مسببة للغازات

بعض الدراسات اثبتت ان الشاع بالنعناع و الزنجبيل والبقدونس و الزبادى كل ده هيساعدك انك تقلل

الانتفاخ

 

 

كلمة اخيرة للدهون فى البطن

لو انت عايز بطنك تكون مشدودة لفترة طويلة لازم تفقد وزنك ،  لما تفقد الدهون اللى فى جسمك هتلاقى الدهون اللى فى بطنك نقصت ، بالرغم من ان  بعض الناس بيفقدوا وزنهم  لكن مش بيفقدوا وزن كتير فى منطقة البطن ، لما تعمل تمارين رياضية طول اليوم  هيخليك تتخلص من البطن و هتقوى عضلات البطن ، لما تقوى عضلات البطن،  الدهون هتقل وشكلك هيكون حلو وشكل جسمك هيتغير.

Share.

Comments are closed.