اشترك
Buy Neuth France products

انتبهى ..دى أعراض الإجهاض

0

مش من السهل معرفة اذا كان الأجهاض حصل و فى الأغلب كمان أن الأجهاض مش بيحصل

كحدث منفرد انما بيكون على مدار عدة أيام و بيختلف كمان فى أسبابه و أعراضه من امرآة لأخرى

لكن فى شوية حاجات لو حسيت بيها الأم و اتعرضت لها بتكون مؤشر كبير لحدوث الأجهاض :

 

النزيف المهبلى :

فسواء كان النزيف خفيف أوبشكل كثيف ,ثابت و مستمر أو غير منتظم فأن النزيف دائما هو أول علامة للأجهاض

,وبالرغم من أن النزيف ممكن يحصل عادى فى أول 3 شهور انما لما بيكون مصحوب بالآلم فى الأغلب بيكون

اشارة أن الأجهاض متوقع حدوثه.

 

الآلم:

الآلم بيكون ليه أشكال كتير زى تشنج و آلم الحوض أو آلام البطن أو الآلآم المستمرة فى منطقة أسفل الظهر

وعادة ما بيبدأ الآلم فى حالة الأجهاض بعد النزيف بساعات قليلة أو أيام.

 

التجلطات الدموية :

التجلطات الدموية أو الأنسجة الرمادية ( الخاصة بالجنين ) واللى بتكون موجودة فى النزيف.

 

 

العوامل اللى بتزود من أمكانية حدوث الأجهاض:

 

1- من عمر 35 سنة فما فوق بيكون  أحتمال حدوث الأجهاض أكبر.

2- تكرار حدوث الأجهاض لأكثر من مرة سابقة.

3- تكيسات المبايض المتلازمة واللى بتسبب مشاكل فى عملية التبويض .

4- السمنة المفرطة واللى بتزود مستوى هرمون الذكورة  وبتزود من خطورة مرض السكرى.

5- أنواع معينة من البكتريا أو عدوى فيروسية أثناء الحمل.

6- متلازمة تجلط أو تخثر الدم أو متلازمة مضاد الفوسفولبيد واللى بتسبب تجلطات فى الأوعية الدموية .

7- مشاكل فى هيكل و طبيعة الرحم مثل الرحم شكل T.

8- التعرض لبعض الكيماويات الخطرة والأدوية اللى بتأثر على صحة الجنين .

9- عمر الأب خصوصا بعد سن 35.

10- التدخين و شرب الكحوليات وتعاطى المخدرات و الكوكايين.

11-شرب المكيفات بكثرة مثل الشاى والقهوة والنسكافية و البيبسى فى أثناء فترة الحمل.

12-من الممكن يكون   السبب أن البويضة المخصبة فى الرحم مش بتتطور بالشكل الطبيعى من غير سبب

واضح.

 

معلومات غلط عن أسباب الأجهاض:

1- فى بعض المعلومات الغلط اللى بتتقال عن الأجهاض زى مثلا  الجماع أثناء الحمل أو بسبب التوتر

و الضغط النفسى و الكلام ده كله مالوش أى استناد أو دليل صحى.

 

2- ممارسة التمارين و الرياضة البسيطة أثناء الحمل مالهاش أى علاقة بالأجهاض بالعكس ده من الصحى جدا

ممارستها أثناء الحمل لكن طبعا أى رياضة عنيفة أو هتعرض الأم للسقوط أو للضرب على البطن يفضل أنها

تتمنع فى فترة الحمل.

Share.

Comments are closed.