اشترك
Buy Neuth France products

9 طرق للتخلص من انتفاخ العينين

0

حكاية الصحيان من النوم الصبح بعينين او جفون منتفخة بتعتبر من اكبر المشاكل الجمالية اللي بتأثر علي مظهر الانسان وثقته بنفسه وبيسبب ضيق وحرج لاصحابها خصوصا بالنسبة للاشخاص اللي بيخرجوا كتير وحياتهم فيها اختلاط كتير بالناس,وبتحصل لاسباب متنوعة زي النوم المتواصل والبكاء او الاجهاد او نزلات البرد ويمكن بسبب التقدم في السن والتغيرات الهرمونية او بسبب عوامل خارجية زي سوء حالة الجو وتغيير الفصول,لكن في طرق بسيطة وسهلة متوفرة في كل بيت تقدروا بيها تتغلبوا علي المشكلة دي وتتمتعوا بمظهر صحي جميل لعينيكم وتكونوا واثقين من نفسكم في التعامل مع الناس.

1-المية الباردة:
من افضل الطرق للتخلص من انتفاخ العينين،حطي معلقة في كوباية مية ساقعة جدا لمدة 3 دقايق وبعدين حطي المعلقة بلطف علي عينك لدقايق لحد مالبرودة تروح وبعدين حطي المعلقة تاني في الكوباية وحطيها علي عينك التانية هتلاقي ان الانتفاخ راح.

2-شرايح البطاطس:
من اكتر الوسايل الفعالة في التغلب علي انتفاخ العينين,حطي شرايح من البطاطس المتقشرة علي عينيكي لمدة ربع ساعة وبعدين اشطفي عينيكي بالراحة بمية باردة هترتاحي من الانتفاخ في العينين.

3-الملح:
الملح مع المية الدافية من الطرق البسيطة جدا للتخلص من الانتفاخ والتورم في العينين،حطي نص معلقة ملح في طبق فيه 4 كوبايات مية دافية(مش سخنة)وحطي في الطبق ده قطنة و حطي القطنة علي عنيكي دقايق لحد ماتبرد وبعدين حطيها تاني في الطبق وجربيها علي عنيكي وكرري الموضوع ده لمدة ربع ساعة.

4-الفراولة:

حطي قطع من الفراولة في التلاجة لمدة نص ساعة وبعد كده شيليها وقطعيها لقطع صغيرة وبعدين استرخي وحطي قطع الفراولة علي عنيكي لمدة ربع ساعة تقريبا هتلاقي الانتفاخ راح من عينيكي.

5-الالوفيرا:
مضادات الاكسدة وفيتامين(E) الموجودين في هلام الالوفيرا بيساعدوا جدا في علاج انتفاخ وتورم العينين،ممكن تدلكي تحت عينيكي بهلام الالوفيرا بلطف بس ركزي انه ميدخلش في عينيكي ,وممكن تستخدمي كريمات بتحتوي علي هلام الالوفيرا بس ركزي جدا علي جودتها وانها تكون مش مضرة ليكي.

6-بياض البيض:
بيساعد في تقليل الانتفاخ من خلال انك تحطي بياض بيضة في قماشة وتدلكي بيها تحت عينيكي.

7-الخيار:
وده من افضل الطرق للتخلص من انتفاخ العينين,حطي شرايح مدورة من الخيار علي عنيكي لمدة ربع ساعة لتهدئة الانتفاخ.

8-الفازلين:
دلكي الجفون وتحت العينين بلطف بالفازلين لدقايق قليلة هتلاقي ان الانتفاخ بيقل كتير.

9-شرايح البقدونس:
حطي شرايح من البقدونس تحت عنيكي او علي الجفون لمدة 20 دقيقة وكرري الحكاية دي لحد ماترتاحي من التورم والانتفاخ.

 

Share.

Comments are closed.