اشترك
like Sofy on Facebook

الاسبوع الثامن فى الحمل

0

الأسبوع التامن:

طفلك بيكبر بصورة هايلة دلوقتي , حوالي مليمتر كل يوم , وطوله الأسبوع دة هيوصل نص

بوصة , فهو كبر من حجم التوتة لحجم الراسبري. لكن معرفة حجم طفلك كل أسبوع بيكون

صعب شوية …لأن النمو بيكون بمعدل مليمتر واحد في اليوم بس مش شرط يكون في

الطول , ممكن في الاذرع, في الأرجل, في الضهرأو أي جزء من اجزاء جسمه.ودة معناه أن

في تغييرات كبية بتحصله على مدى الشهور اللي جاية.

أبنك دلوقتي بقى عنده شفاه, و مناخير و جفون , وكمان صوابع أيده ورجله بتبان أكتر .

وقلبه الصغير بينبض 150 مرة في الدقيقة يعني ضعف سرعة نبضات قلبك.ومع انك مش

حاسة بحركته, هو بيتحرك في صورة انتفاضات في الاطراف وفي الجذع.

بيزيد السائل السلوي بمعدل ملعقتين في الأسبوع لأستيعاب تزايد حجم الرحم

 

طبيعة جسمك في الأسبوع التامن:

هتحسي أن لبسك بقى ضيق حوالين بطنك , ودة بسب ان رحمك كبر من حجم قبضة الأيد

لحجم البرتقالة.وبتعاني كتير من الشعور بالقيء مش بس في فترة الصبح لكن ممكن تستمر

على مدار اليوم,ومفيش معلومة اكيدة عن سبب الشعور دة.لكن ممكن يكون بسبب هرمون

الحمل أوالأستروجين أو بسبب أرتخاء عضلات القناة الهضمية,أو بسبب تمدد عضلات الرحم.

أيا كانت الاسباب وجود الشعور دة معناه أن حملك بخير , وهيستمر الشعور دة لحد الاسبوع

ال12 لل14, فحاولي تقللي كم الاكل في كل مرة بتاكلي فيها.

نصيحة:

حاولي تكتري من اكل الفواكه,مش بس عشان هي مليانة فيتامينات و معادن مهمة

ليكي,كمان بتساعدك تتخلصي من الشعور بالقيء.ومهم انك تعرفي ان لون الفاكهة الداخلي

هو اللي بيعكس قيمتها مش اللون الخارجي….يعني مثلا” الكنتالوب رغم لونه الباهت من

برة….لحمه الاخضر اللي جوة أفيد من التفاحة اللي لونها قوي من برة و بيضة من جوة.

 

Share.

Comments are closed.