اشترك
like Sofy on Facebook

8  توابل فى بيتك بتحارب السرطان

0

الأعشاب الطبيعية هى كنز فى بيتك ، يمكن بتستخدمها عشان تخلى أكلك ليه نكهة مميزة ومختلفة لكن مفكرتش فى أهميتها لصحتك ، التوابل و الأعشاب ليها فوايد كتير غير أنها تضيف نكهات لذيذة للأكل ، العلم أثبت قدرة بعض التوابل و الأعشاب على محاربة السرطان ، اعرف معانا إيه هى التوابل دى و إزاى تستفيد بيها

الكركم :

لما يكون الأمر متعلق بمحاربة السرطان ، الكركم هو ملك التوابل ، فبالإضافة للون المميز إللى بيضيفه للأكل ، الكركم بيحتوى على مواد بتعيق نمو الخلايا السرطانية المسببة لسرطان البروستاتا و سرطان الجلد ( الميلانوما ) و سرطان الثدى و أورام الدماغ و سرطان البنكرياس و اللوكيميا ، المواد المسئولة عن محاربة السرطان فى الكركم بتعمل على تحجيم وتقليل الخلايا السرطانية بدون ما تؤثر على نمو الخلايا الطبيعية فى الجسم

الشمر :

غنى بالفيتامينات و مضادات الأكسدة ، مركب الأنيثول هو المركب الرئيسى فى الشمر وهو المسئول عن مقاومة غزو الخلايا السرطانية فى الجسم ، مركب الأنيثول بيحد من النشاط الإنزيمى المسئول عن مضاعفة الخلايا السرطانية فى الجسم

الزعفران :

الزعفران يحتوى على مواد البيكروروسين و السفرنال و الكروسين ، المواد الموجودة فى الزعفران مش بس بتمنع تقدم المرض لكن كمان بتقلل من حجم الورم السرطانى فى بعض الأحيان للنصف ، علشان كدة الزعفران بيعتبر من أغلى التوابل فى العالم

الكمون :

الكمون معروف بقدرته على تسهيل عملية الهضم ، الكمون غنى بمضادات الأكسدة ، وبيحتوى على مجموعة من المواد المسئولة عن الحد من تكاثر الخلايا المسئولة عن تكوين سرطان البروستاتا ، جرب إضافة الكمون للخبز و السلطات المختلفة و الصلصات بدل استخدام الدهون الضارة

القرفة :

إنت مش محتاج لأكتر من نصف معلقة صغيرة من مسحوق القرفة عشان تبعد خطر السرطان عن جسمك ، القرفة غنية بالكالسيوم و الحديد ، القرفة مفيدة فى تقليل حجم الأورام السرطانية ، و بتعيق تكوين خلايا سرطانية جديدة

طرق تخليك تحصل على القرفة كل يوم :

  • ابدأ يومك بكوب من القرفة بدل الشاى أو القهوة
  • ممكن تضيف قليل من القرفة مع معلقة صغيرة من عسل النحل مع كوب اللبن
  • ممكن تضيف القرفة على التفاح المقطع أو الجوز المبروش
  • ممكن تستخدم القرفة مع الحلويات و الحشوات المختلفة

الأوريجانو :

الأوريجانو هو أكتر من مجرد نوع من التوابل بنضيفه لصلصة المكرونة و البيتزا ، الأوريجانو يمتاز بخصائص تحارب سرطان البروستاتا ، الأوريجانو يحتوى على مركبات مضادة للميكروبات ، معلقة واحدة من الأوريجانو تحتوى على فوايد كوبين من عصير العنب ، المركبات الموجودة فى الأوريجانو بتحارب نمو الخلايا الخبيثة فى الجسم

الفلفل الحار :

الفلفل الحار هو نوع من أنواع التوابل إللى بتحتوى على خصائص مضادة للسرطان ، الفلفل الحار بيحث الجسم على القيام بعملية (الابوبتوسيس) أو موت الخلايا المبرمج – وهى عملية طبيعية تحدث فى الجسم و تأمر الخلايا بتدمير نفسها بهدف الحفاظ على سلامة العملية الطبيعية لانقسام الخلايا – إللى بتدمر الخلايا السرطانية و بتقلل من الخلايا السرطانية للوكيميا

الجنزبيل :

الجنزبيل من التوابل اللذيذة و القوية فى النكهة فى نفس الوقت ، الجنزبيل مش بس طعمه لذيذ لكن بيحتوى على خصائص علاجية بتقلل الكوليسترول  و بتزود الحرق و بتقتل الخلايا السرطانية ، ممكن تضيف الجنزبيل على الأطباق المحتوية على الخضروات أو فى تتبيلات اللحوم و الأسماك

Share.

Comments are closed.