اشترك
Buy Neuth France products

7 فروق بين الاطفال الولاد والبنات

0

كتير من الامهات من اول مابيعرفوا بخبر الحمل بيبقوا متشوقين اوي انهم يعرفوا نوع الطفل اللي هييجي وازاي يتعاملوا معاه,تابعينا عشان تعرفي ايه هي الفروق بين طبيعة الولد وطبيعة البنت من بداية الطفولة وازاي تساعدي اطفالك في تنمية مهاراتهم المختلفة.

1-المهارات الاجتماعية:

 -البنت بتقدر انها تفهم اكتر اللي الناس بيحسوا بيه من خلال تعبيرات وشهم اكتر من الولد وده لان البنت بتميل انها تفضفض وتعبر عن مشاعرها اكتر من الولد اللي بيميل انه يخبي مشاعره غير ان البنت بتحرص علي مشاعر الناس اكتر من الولد.
2-مهارات التفكير:
-الولاد بيعرفوا يحلوا المسائل الحسابية افضل من البنات اللي في نفس سنهم ,لو عايزة بنتك تكتسب المهارات دي اتكلمي قدامها عن الارقام وشجعيها علي الالعاب اللي بتعتمد علي التفكير وتنمية الذكاء.
3-الانشطة الحركية:
-الولاد بيميلوا اكتر للانشطة الحركية ولعب الكورة اكتر من البنات,لو عايزة بنتك تميل للانشطة الحركية العبي معاها بكورة وشجعيها علي الالعاب اللي فيها حركة.
4-السلوك العدواني:
-الولاد كأطفال بيميلوا اكتر من البنات للسلوك العدواني وان كان السلوك ده موجود في بعض الاحوال عند البنات الا انه منتشر اكتر بين الولاد ,علشان كده حاولي تحطي حدود للسلوك المتطرف بس مع ملاحظة ان دول اطفال صغيرين ومن الصعب انهم يكونوا هاديين طول الوقت.
5-المشي:
-علي الرغم من ان ناس كتير بتفتكر ان الاطفال الولاد بيبدأوا مشي بدري وبشكل اسرع من البنات الا ان ده مش صحيح  ومفيش فرق بين الولاد والبنات في موضوع المشي,علشان كده لو عايزة تنمي مهارات المشي عند طفلك شجعيه علي الالعاب الحركية اللي بيعتمد فيها علي الزحف علي بطنه او ممكن تخللي الالعاب اللي بيحبها بعيدة عنه بمسافة خليه يتحرك علشان يجيبها.
6-مهارات الكلام:
-البنات بيبدأوا يتكلموا بدري عن الولاد اللي في نفس سنهم وبيكون عندهم القدرة اكتر انهم يعبروا بالكلام في بداية السنة التانية من عمرهم,علشان كده لازم الاب والام يهتموا جدا انهم يتكلموا ويقروا  مع ولادهم سواء الولاد او البنات لان ده بيحسن من مهارات الكلام عندهم.
7-تعلم الحمام:
-البنات بيتعلموا انهم يدخلوا الحمام ويستنغنوا عن الحفاضة بدري عن الولاد بحوالي من 3 شهور لسنة  لكن الحكاية دي بتختلف من طفل للتاني,لو حسيتي ان طفلك اتأخر في الموضوع حاولي تعالجيه بهدوء بإنك تخليه يقعد علي البوتي ويكون شكلها جذاب بالنسبة ليه ويتعود عليها.

 

Share.

Comments are closed.