اشترك
Buy Neuth France products

7 طرق لزيادة نسبة الكولاجين

0

الكولاجين هو مادة بيتم انتاجها في الجسم للحفاظ علي شباب ونضارة البشرة والجلد وبتكون موجودة في الجلد والعظام والانسجة وبتساعد في تخليص الجسم من الخلايا الميتة وبتسرع التئام اثار الجروح والندبات والحبوب اللي بتحصل في الجسم  وبتأخر علامات الشيخوخة ,وانتاجها في الجسم بيبدأ يقل في بداية سن ال 40 وبتبدأ مظاهر الشيخيوخة في الظهور علي البشرة والجسم,اعرفوا معانا ازاي تحافظوا علي انتاج الكولاجين في جسمكم وتتمتعوا ببشرة نضرة وجميلة.

1- فيتامين(C):
الاشخاص اللي بيركزوا علي الانظمة الغذائية الغنية بفيتامين (C) بيتأخر عندهم ظهور علامات الشيخوخة لما بيوصلوا لسن ال 40 سنة اكتر من الاشخاص اللي مش بيهتموا بفيتامين(C) لان فيتامين (C) عنصر اساسي في تكوين الكولاجين في الجسم وده موجود في البروكلي والطماطم والبرتقال.

2-بلاش تدخين:
التدخين بيساعد في افراز انزيمات بتسبب شيخوخة مبكرة للبشرة وبتقلل نسبة الكولاجين وبتسبب ظهور التجاعيد في البشرة والهالات السودة تحت العين.

3-واقي الشمس:
التعرض المستمر لاشعة الشمس القوية من اكتر الحاجات اللي بتقلل انتاج الكولاجين في الجسم,علشان كده يفضل عند التعرض لاشعة الشمس القوية استعمال مستحضرات واقية ضد اشعة الشمس للمناطق المكشوفة من الجسم,مستحضرات الوقاية ضد اشعة الشمس مش بتعزز من انتاج الكولاجين في حد ذاتها لكن بتساعد في الحفاظ علي نسبة الكولاجين الموجودة في الجسم.

4- كريمات الريتينول:

من اهم الكريمات اللي بتعزز من انتاج مادة الكولاجين في الجسم وبتساعد في وقاية الجسم من  اشعة الشمس وعلاج اثار الحبوب والندبات وبتحافظ علي نضارة وشباب البشرة.

5-التقشير:
بيساعد في انتاج مادة الكولاجين من خلال تخليص الجسم من الخلايا الميتة وانتاج خلايا جديدة نضرة وده ممكن يتم من خلال كريمات التقشير اللي بتخلص البشرة من اثار الحبوب والندبات.

6-مضادات الاكسدة:
الاكلات الغنية بمضادات الاكسدة بتعزز من انتاج الكولاجين وبتأخر من علامات التقدم في السن ,مضادات الاكسدة موجودة في الشاي الاخضر والخضروات الورقية زي السبانخ ,بالاضافة للكريمات الغنية بمضادات الاكسدة.

7- التدليك:
تدليك البشرة والجلد مرة او اتنين في الاسبوع بيزود انتاج الكولاجين وبينشط الدورة الدموية في البشرة وبيساعد في تنضيفها وبيزود من نضارتها وده بيتم من خلال تحريك اطراف الصوابع بلطف و بشكل دائري من الرقبة للوش.

Share.

Comments are closed.