اشترك
Buy Neuth France products

الاسبوع الخامس فى الحمل

0

قلب طفلك و جهاز الدورة الدموية بيتكونوا دلوقتي وهرمون الحمل بيعلى في

جسمك و دة معناه ظهور نتيجة أيجابية في اختبار الحمل المنزلي بصورة اكيدة.

طفلك في الأسبوع الخامس:

أبنك دلوقتي عامل زي الضفدع الصغير وبحجم بذرة البرتقالة.القلب و جهاز الدورة الدموية هما

أول حاجة بتتكون عنده وبتقدري تشوفي قلبه في السونار.الأنبوب العصبي اللي هيكون المخ

والحبل الشوكي بيكون تحت الأنشاء.

طبيعة جسمك في الأسبوع الخامس:

أعراض الحمل كلها بتبتدي تظهر و مودك بيكون متقلب جدا” فحاولي تتأقلمي على الوضع

الجديد.

أعراض الأسبوع الخامس:

-زيادة التبول:

 ودة لأن هرمون الحمل بيزود ضخ الدم لمنطقة الحوض و الكلى عشان يخليهم يشتغلوا

بصورة أفضل أثناء الحمل و متنسيش أنكوا بقيتوا أتنين دلوقتي. كل اللي تقدري تعمليه هو

تقليل مدرات البول زي الكافيين  ودة هيزود الرغبة في التبول أكتر لكن لازم تشربي مية و

سوايل كتير لأنها مهمة جدا للطفل وليكي أنتي كمان.

-الشعور بالأرهاق:

الحمل حاجة مش سهلة,في التلت الأول من الحمل بيروح جزء كبير من طاقتك في بناء

المشيمة اللي هي مصدر الحياة لطفلك, فممكن تحسي بالأرهاق أو التعب البسيط أو

الشديد.وكمان متنسيش التغيرات الهرمونية اللي بتحصلك. في الوقت دة لازم ترتاحي

وتاكلي اكل مناسب و بكميات معقولة.

الخبر الحلو انه مع انتهاء التلت الاول من الحمل هيختفي الشعور بالتعب و الأرهاق بسبب

انتهاء من مهمة صنع المشيمة و هتحسي ان نشاطك بيتجدد تاني.

-يحصل تغيرات في الثدي و بيبقى حساس:

ودة بسبب هرمون الاستروجين و البروجستيرون,وكمان بسبب بناء خلايا دهنية مفيدة وزيادة

تدفق الدم ودة اللي هيساعد ثدييك في أفراز اللبن لرضاعة طفلك. حلولي تستعملي برا

pra مناسب للوقت دة حتى لو وقت النوم كان أريح ليكي تلبسيه.

-الغثيان:

الشعور بعدم الراحة في المعدة اللي ممكن يخليكي ترجعي ممكن يحصل في أي وقت في

اليوم خصوصا في التلت الاول في الحمل. عشان تقدري تسيطري على الموضوع دة

متفوتيش وجباتك أبدا حتى لو بتتعبي منها. حاولي تاكلي الأكل اللي بتحبيه وتتبعي نظام

غذائي صحي

-زيادة في اللعاب:

ممكن تمضعي لبان بدون سكر عشان تتعاملي مع الموضوع دة.

-الرغبة الشديدة في الأكل أو عدم القدرة على لأكل :

هنا بتلعب الهرمونات دور كبير , حاولي تنظمي أكلك و تاكي المفيد ليكي و لطفلك.

Share.

Comments are closed.