اشترك
like Sofy on Facebook

5 فوائد للسباحة متفوتهاش

0

مين فينا مبيحبش البحر أو حتى حمام السباحة اللي بينعش وسط حر الصيف وضغط الشغل؟ كمان السباحة ليها 5 فوائد مهمة جدا، إعرفها لما تقرا الموضوع ده

السباحة وسيلة ممتازة لتنظيم ضربات قلبك وتحسين الدورة الدموية ، كمان فقدان الوزن . بنقدملك 5 فوايد ممتازة للسباحة بلاش تفوتها :

  1. تنغيم العضلات : عشان كثافة المية 12 مرة كثافة الهواء فالسباحة بتوفرلك نتيجة أقوي من ممارسة التمارين في صالات الجيم. وكمان مقاومة المية لجسمك بتعمل نفس عمل الأوزان الخفيفة على أجهزة المقاومة وبتقدر تتحكم في قوتها حسب قوة دفعك للمية
  2. تحسين عمل الجهاز التنفسي : كونك محاط بهواء رطب، بيسهل عملية التنفس وده مناسب جدا للي بيعانوا من الربو وضيق التنفس. كمان السباحة بتساعد على إتساع الرئتين والتنفس بطريقة صحيحة ومنتظمة وده هيساعدك على ممارسة تمارينك بشكل أفضل
  3. بيخليك أكثر مرونة : السباحة بتشتغل على عضلات الجسم كله، وبتخليها أكثر قوة و مرونة وأقل عرضة للإصابات
  4. بتساعد على الهدوء والأسترخاء: السباحة بتساعد الجسم على إفراز الإندروفين اللي بيعطي شعور بالسعادة والإسترخاء زي اليوجا تمام
  5. رياضة ممتازة للي بيعانوا من السمنة : خصوصا الأطفال، السباحة هتكون رياضة أسهل كتير من غيرها

ولو نفسك تعلم أولادك السباحة ممكن تبدأ بالفيديو ده

https://youtu.be/F4QjubHp8Zw

Share.

Comments are closed.