اشترك
Buy Neuth France products

5 عادات تساعدك تكون في أحسن نفسية

0

كلنا بنعاني من الضغوط اللي حوالينا، اللي بتأثر علينا وتغير من طبيعتنا. هنساعدك تحافظ على التوازن النفسي رغم كل الظروف لما تقرأ الموضوع ده.

بنمر بأوقات مش بنقدر نسيطر فيها على مشاعرنا، بس ممكن تكون في أفضل حالاتك بخمس عادات بسيطة :

  1. أصبر لحظات قبل ما تتكلم (متكنش أنت المبادر)
    لما تمر بموقف صعب وتكون منفعل، حاول تصبر لدقايق قبل ما تتكلم عشان كلنا بنندم لما بتسرع ونتكلم وقت غضبنا. هدوءك هيخليك تتصرف بحكمة وذكاء وتقدر توجه الأمور كلها لصالحك
  1. مفيش خجل في إظهار مشاعرك
    لو مريت بموقف صعب، متخفيش شعورك بالغضب أو الحزن وتتصرف كإنك غير مبالي . إظهر مشاعرك بصدق لأن ده هيساعدك تتخطى الموقف وتكون في حالة نفسية أحسن وتصلح أي خطأ أو تقصير
  1. دور على اللي بيسعدك
    اكتب قائمة كبيرة بأكتر حاجات بتسعدك وحاول تنفذ منها ولو حاجة واحدة كل يوم. الشعور بالسعادة بيخليك متزن وقادرعلى حسن التصرف في جميع المواقف
    إظهر مشاعرك للي حواليك منغيرما تنتظرمقابل
  1. لازم تشعر بحريتك
    رغم كل القيود والألتزامات اللي عليك، ممكن تعمل كده بسهولة لو نزلت اتمشيت شوية وسمعت موسيقى أو حضرت حفلة وخرجت فيها كل مشاعرك
  1. لازم تكون راضي عن نفسك
    إنك تقبل نفسك بكل عيوبها ومميزاتها، وتمرن نفسك على النظرة الإيجابية لكل شيء حواليك وبتمربيه. ده هيخليك تقدر قيمة كل اللي بتملكه ومتهتمش باللي ينقصك

Share.

Comments are closed.