اشترك
Buy Neuth France products

5 حاجات في الأكل بتصيبك بالسمنة والإكتئاب

0

حاجات في أكلنا بنتعرض ليها كل يوم بتأذينا منغير منحس، لو عايز تحمي نفسك من السمنة والإكتئاب إقرأ معانا الموضوع ده .

في 5 حاجات بنقابلها كل يوم، إعرفها معانا وإتجنبها :

1.هرمونات النمو والمضادات الحيوية :
ودي بتكون موجودة في اللحوم الحمراء ومنتجات الألبان ودي بيدوها للحيوانات عشان تسمن على أقل كم من الطعام ويقدروا يبيعوها بسرعة. فحاو إنك تشتري اللحوم من أماكن موثوق فيها واللبن و منتجات الألبان تكون معبأة بشكل آمن (كل المنتجات اللي مكتوب على العبوة Tetra Pack  )

2. النكهات الطبيعية والصناعية :
ودي بدايل رخيصة الثمن للطعم الأصلي للطعام ومصنوعة من مادة كيميائية سامة هي” الغلوتامات أحادية الصوديوم (MSG)”، ودي بتخليك تأكل كم أكبر من الطعام لأن براعم التذوق في فمك مش بتقدر تقاوم النكهة المضافة دي

3. المحليات الاصطناعية :
أثبتت الأبحاث إن المحليات الاصطناعية المضافة للمشروبات الدايت بتأثر بالسلب على بكتيريا القناة الهضمية فبتؤدي للسمنة، كمان مرتبطة بحالات تقلب المزاج والإكتئاب
ممكن تستخدم العسل والبلح المجفف كمحليات بديلة للسكر

4. المبيدات :
اللي بيتم رش النباتات بيها . ودي بتاثر على هرمونات ضيط الوزن بالجسم ” الكاتيكولامينات” اللي بتنظم معدل الحرق، وتؤدي للزيادة في الوزن

5. البلاستيك :
حفظ الطعام أو المشروبات في منتجات بلاستيكية غير آمنة وبتحتوي على مواد ضارة زي ” الفثالات أو ثنائي الفينول أ (BPA) ” ودي بتحدث خلل في الغدد الصماء وتخلي الجسم يخزن دهون أكتر

حاول تستبدل البلاستيك بالزجاج او إشتري البلاستيك الآمن في حفظ الطعام

Share.

Comments are closed.