اشترك
like Sofy on Facebook

الأسبوع الرابع عشر فى الحمل

0

الاسبوع الرابع عشر:

– طفلك دلوقتي بقى في حجم قبضة اليد وبدأ يحرك أيده و رجله بشكل منتظم, بعيدا عن

الحركات الغير منتظمة في الفترة اللي فاتت, بس لسة شوية عشان تحسي بالحركة لانها

بتكون زي الباليه,بسلاسة وجوة السائل بتاعه. بتصبح  رقبته اطول و دة بيخلي راسه في

وضع مشدود اكتر .

– بيبدأ الشعر الرقيق على جسم طفلك بالنمو و حواجبه كمان بتتكون متقلقيش لو طفلك

اتولد بشعر كثيف على جسمه لانه يخف في اقرب وقت , لان هدف وجود الشعر دة هو عمل

تدفئة لطفلك .

من التطورات كمان ظهور اللثة وكمان بدء حركة الأمعاء و افراز العقى اللي هيكون أول براز

للطفل بعد الولادة.

طبيعة جسمك في الاسبوع الرابع عشر:

انتي دلوقتي في المرحلة التانية من  الحمل اللي هي أفضل مرحلة بالنسبالك, ثدييك بيكونوا

أقل حساسية و بيبدأ يكون عندك نشاط أكتر. و هتبتدي تشتري ملابس اوسع بسبب أنتقال

الرحم لمكانه في أسفل البطن و ممكن تحسي بيه ظاهر.

بعض السيدات ممكن يحسوا بألم شبيه بالوخز بالأبر على جنبين البطن او ممكن جنب واحد

وهقولكوا السبب:

السبب ان الرحم مدعم بأربطة ممتدة من الفخذ لحد البطن ,و لما الرحم بيكبر بتتمدد الأربطة

دي وبتعمل الألم . الألم دة بيلاحظ اكتر عند الحركة المفاجأة أو الكحة.

لو حاسة ان مناعتك ضعيفة و بتصابي بأدوار برد و أنفلونزا كتير, متقلقيش دة طبيعي لان

مناعة جسمك بتكون ضعيفة عشان متقاومش الطفل الغريب اللي هو الطفل.

هتحسي أن انفك منتفخة ودة بسبب زيادة ضخ الدم في الأوعية فبيزيد أنتاج المخاط.

Share.

Comments are closed.