نمو طفلك بيكون بشكل سريع مع بداية الأسبوع العاشر, طوله بوصة و نص و بقى قد

البرقوقة . بيدأ عضمه و الغضاريف في التكوين و بتبدأ تتكون فجوات اللي هتكون

الركبتين و الكاحلين, والذراعين بيتحركوا وبداوا يكونوا أقوى, بس هما بالكتير بحجم

الرقم دة 1 .

الاسبوع العاشر فى الحمل :

– براعم الأسنان بدأت تظهر, بتمهد لظهور اسنانه الصغيرة اللي تتكون تحت اللثة

وتبدأ بالظهور لما طفلك يكون عنده 6 شهور.

– كمان معدة طفلك بدأت تفرز العصارات الهاضمة, والكلى بتنتج بول أكتر, و لو طفلك

ولد بيكون جسمه بيفرز هرمون التستوستيرون.

– هتلاحظي ان بطنك بقت دائرية اكتر من الجزء السفلي, ده الرحم اللي دلوقتي حجمه

بقى قد الجريب فروت.

– الحاجة التانية, هتلاقي خطوط زرقاء ظهرت في جلدك, عند الثدي و البطن. دي

شبكة ممدة من الاوردة بتنقل امداد الدم الزيادة المطلوب لتغذية طفلك, و مع مرور

الوقت, هتلاقي الاوردة في ايدك و رجلك شكلها اكبر وواضحة اكترلأن اثناء الحمل ,

حجم الدم بيزيد من 20 ل 40 % عن المستوى الطبيعي و لازم الشرايين تتكيف مع

الوضع الجديد, و متقلقيش جسمك هيرجع لوضعه الطبيعي بعد الولادة و الرضاعة.

 

لعلاج الامساك الشائع أول 3 شهور:

 

قللي من البقول, المكرونة و الارز, ركزي على الأكل المليان الياف زي الحبوب

الكاملة, الفواكه الطازجة و المجففة, و كتري من السوائل اللي اهمها المية.