اشترك
Buy Neuth France products

• مرض القطط Toxoplasmosis

0

بنسمع كتيرعن  مرض اسمه  toxoplasmosis وهو مرض طفيلى  معروف ان القطط هى السبب الرئيسى فى الاصابة بيه و بتزيد اخطاره بدرجة اكبر على صحة المراة الحامل و صحة الجنين .اعرف معانا اكتر عن اعراض و اسباب الاصابة بيه .

  • مرض القطط toxoplasmosis :

غالبا بيكون الجهاز المناعى للاشخاص البالغين قادر انه يتغلب على مرض   toxoplasmosis لكنه بيسبب خطر كبير على المراة الحامل و على الجنين او بعض الاشخاص اللى بيعانوا من مشاكل او امراض فى جهاز المناعة   .

  • اسباب المرض :
  1. البلع عن طريق الخطا لبيض التوكسوبلازما من التربة او الحدائق العامة او اى سطح ملوث او ممكن من خلال وضع اليدين الملوثة بالميكروب فى الفم او لمس اى شىء اتلامس مع براز القطط .
  1. اكل اللحوم النيئة او غير كاملة النضج زى لحم الغزال او الضان او لمس الفم باليدين بعد لمس اللحوم .
  1. ممكن انتقال العدوى من الام الحامل للجنين خصوصا لو كانت دى اول مرة تتعرض فيها للاصابة .
  1. ممكن تنتقل العدوى عن طريق زرع الاعضاء او نقل الدم ولكن بيكون فى حالات نادرة .
  • اعراض المرض :
  • فى الغالب مش بيظهر للمرض اى اعراض واضحة لكن بتكون اعراضه زى الانفلونزا و ممكن يزيد معاها تورم فى الغدد الليمفاوية او الم فى العضلات او المفاصل مستمر لبضعة ايام او اسابيع .
  • مخاطر المرض :
  • مرض toxoplasmosis بيتسبب فى اخطار كبيرة للعينين و للدماغ و معظم الرضع اللى بيصابوا بالمرض قبل الولادة بيصابوا بمشاكل عقلية او جسدية خطيرة .
  • مرض toxoplasmosis بيهدد حياة الشخص المصاب خصوصا لو كانت مناعته ضعيفة او بيعانى من سرطان الغدد الليمفاوية .
  • بتظهر احيانا مضاعفات و اعراض شديدة للمرض بتختلف على حسب الجزء المصاب :
  1. الدماغ : بيتسبب فى بعض التغيرات الحسية و بيسبب مشاكل فى الحركة و اضطرابات .
  1. العين : بيسبب التهاب المشيمة و الشبكية و الم فى العين وممكن انه يسبب فقدان تدريجى للبصر فى واحدة او فى العينين .
  1. الرئتين : و بتشمل اعراضه الحمى و القشعريرة و سعال و مشاكل فى التنفس و ممكن يتسبب فى الم فى جدار الصدر .
  1. القلب : و بتشمل عدم انتظام ضربات القلب وعلامات فشل الفلب .

Share.

Comments are closed.