اشترك
Buy Neuth France products

يا ريتها تختفي

0

في حاجات كتير بنقابلها في حياتنا بشكل مستمر، حاجات بتضحكنا و حاجات بتضايقنا، حاجات ليها حل و حاجات ملهاش و بتنمنى إنها تيجي في يوم و تختفي . ومع بداية سنة جديدة، تعالوا نضحك على المواقف دي اللي أكيد بتحصلنا.

  • الناس اللي بتكون ماشية في الشارع زي الزيجزاج و مش فاهمة إن في حاجة إسمها رصيف أو إن في ناس تانية ماشية معاها في الشارع. و لو كنت ماشي وراهم بتحس إنك عملت إنجاز لو قدرت تعدي منهم وبيكون الموقف صعب أوي لو كنت متأخر عن معادك
  • زحمة المواصلات خصوصا المترو, بس تعرف ميزة الزحمة و الجري عشان تلحق المترو و الناس اللي بتخبط فيك من كل ناحية إنك هتفوق خلاص من نومك وتحب شغلك أكتر وتكون عايز توصل لشغلك عشان تترحم من اللي أنت فيه
  • الشخص اللي بيقعد يتكلم كتير بإنفعال و يقول كلام كبير قوي هو أصلا مش فاهمه ويتدخل برأيه في كل حاجة خاصة بيك، وطبعا الناس دي بنقابلها كتير
  • الأجهزة اللي مليانة سلوك ملخبطة في بعضها بنبقى عايزين نقول للى عملها ” في إختراع إسمه Wireless “
  • صورنا وإحنا صغيرين و في أسوأ حالتنا اللي موجودة دايما في البوم العيلة
  • الشد العضلي اللي لما بييجي كل حاجة بتقف
  • المصاريف الإدارية اللي بيأخذوها منك البنوك في كل مرة تأخذ فلوس من ال” ATM “
  • إنك تروح الجيم و في كل مرة تفضل تتخانق مع الأجهزة اللي بتتمرن عليها
  • وأخيرا، أي حاجة بتضايقك كل ما تبص في المرايا زي المسام الواسعة و حب الشباب

Share.

Comments are closed.