اشترك
Buy Neuth France products

ياريتك تقلد الحيوانات الأليفة

0

وجود الحيوانات الأليفة في البيت مش بس بيضيف روح البهجة والتسلية, لكن مع ملاحظتهم ممكن نتعلم منهم حاجات كتير هتفرق معانا في كل نواحي حياتنا العملية و الأجتماعية.

فمن الناحية العملية :

  • بنلاقي الكلب مثلا لو كلف بمهمة بيديها كل إهتمامه و تركيزه. أثبتت الدراسات إن قيام الشخص بالعديد من المهام في نفس الوقت بيضيع كتير من الوقت وبيفقدهم القدرة على التركيز, فياريت نتعلم من الحيوانات نرتب أولوياتنا في العمل ونأخذ كل مهمة على حدى و نديها كل تركيزنا
  • بيقولوا إن فضول القطط ممكن يقتلهم, لكن بالنسبة للإنسان الفضول بيوسع دائرة معلوماتك وبيعطيك معنى أكبر للحياه
  • الحيوانات الأليفة بتحب تمشي على نظام في الأكل والنوم, كمان الأشخاص بيقدروا يناموا بصورة أفضل لو في مواعيد ثابتة للنوم والإستيقاظ , الأكل , الحموم

من الناحية الصحية :

  • بنلاقي الحيوانات بتأخذ عفوة في أي وقت, الدراسات أثبتت إن الغفوات القصيرة بتعزز اليقظة وبتحسن من الأداء في العمل. كمان بتقلل نسبة الوفاه بأمراض قلبية بنسبة 37%.
  • المشي كل يوم سواء كان عندك رجلين أو أربعة بيساعد في حرق الدهون, محاربة الإكتآب، تقوية العظام, بتقلل من فرص الإصابة بسرطان الثدي و الرئة
  • خليك زي القطط وكل سمك كتير اللي عني بال”أوميجا 3 ” و ” الأحماض الدهنية ” المفيدة للقلب
  • كل لما تعطش إشرب مية و متكسلش, لأنها مفيدة جدا للجسم كله و بتمد عضلاتك بالسوائل اللي بتحتاجها منغير أي سعرات حرارية إضافية

من الناحية الإجتماعية :

  • عيش اللحظة أو بمعنى تاني , متشغلش فكرك كتير لأن العقل اللي دايما مشغول بيكون مش سعيد
  • متحملش ضغينة لحد, وأبني صداقات كتير عشان تكسب ثقة وإحترام لنفسك
  • حاول تتمتع بروح الدعابة, و لو بتحب شخص قلدهم وإظهر مشاعرك بكل صدق
  • حاول تتعلم لغة الجسد زي الكلاب لأنها هتساعدك في قراءةالأشخاص اللي بتتعامل معاهم بصورة أفضل

Share.

Comments are closed.