اشترك
like Sofy on Facebook

وسائل تجنب العدوي في الفنادق

0

في مواسم الاعياد والاجازات الناس بيحبوا  يرورحوا يقضوا كام يوم في مكان مختلف بهدف تغيير الجو وكسر روتين الحياة اليومية,لكن للاسف ممكن وسائل العدوي بالامراض المختلفة تكون منتشرة في بعض الفنادق او الاماكن الخاصة بالنزلاء وخصوصا في غرف النوم,وطبعا مش هتقضوا وقت ممتع في اي مكان الا لو كنتم متاكدين كويس انكم تقدروا تتجنبوا اسباب العدوي .اعرفوا معانا ازاي تتجنبوا العدوي في الفنادق وتحافظوا علي نضافتكم وتقضوا وقت ممتع من غير اي مشاكل صحية.

بتنتشر العدوي في الفنادق وخصوصا في غرف النوم بسبب اكياس المخدات اللي بينام عليها اشخاص كتير ممكن حد منهم يكون شعره مش نضيف ويعدي الباقيين وبرضه بسبب الملايات والاغطية والمناشف اللي نزلاء كتير جدا بيستعملوها ونضافتها مش بتكون مضمونة بالاضافة لمقابض الابواب والريموت كنترول الخاص بالتلفزيون,غير طبعا الحمامات الخاصة بالفندق وطبعا مش كل الاسر عندهم الرفاهية المادية اللي تخليهم يقدروا يرورحوا الفنادق اللي بتوفر اعلي خدمات علشان كده بيضطروا انهم يروحوا المكان اللي يناسب امكانياتهم المادية لكن ممكن بخطوات بسيطة يتجنبوا العدوي ويقدروا انهم يقضوا وقت سعيد.

وسائل الحفاظ علي النضافة وتجنب العدوي في الفنادق:
-بلاش تنزل في اي فندق غير لما تكون متأكد من مستوي نضافته ونضافة العاملين بيه كويس جدا ويفضل انك تسأل حد تعرفه عن  الاماكن اللي فيها افضل مستويات العناية بالنضافة في غرف النوم والحمامات بكل مافيهم  .
-يفضل ان كل نزيل يصطحب معاه الملايات والمناشف واكياس المخدات والاغطية الخاصة بيه لتجنب احتمالات انتقال العدوي.
-اتجنب عادة الاكل او التدخين في غرفة النوم للحفاظ علي نضافتها.
-اتأكد من نضافة الحمامات في الفندق ولو لاحظت اي مظهر من مظاهر عدم النضافة زي رائحة كريهة او حشرات في الحمام لازم تقول للمسئولين انهم ياخدوا بالهم من حاجة زي كده.
-اغسل ايديك كويس جدا بعد الخروج من الحمام ولمس مقابض الابواب ومفاتيح الغرف واي حاجة ناس كتير بيلمسوها.
-ماتنساش ادوات العناية بالنضافة الخاصة بيك انت وكل فرد في الاسرة من الشامبو والصابون وسائل تنضيف الايدين والمناديل المعطرة
-الاهتمام بنضافة الجسم كله وخصوصا الشعر لتجنب انتقال العدوي بالحشرات بالذات بين الاطفال.

Share.

Comments are closed.