اشترك
Buy Neuth France products

وجبة الفطار و الزيادة في الوزن

0

الناس اللي بتحاول تخس بتعتقد ان وجبة الفطار بتفتح الشهية وبالتالي مش بتهتم بيها ، لكن بالعكس الدراسات اثبتت ان تناول وجبة الفطار يوميا من العادات الصحية للجسم، والفكرة هي أن الفطار المتوازن :

بيساعد على بدء عملية التمثيل الغذائي بعد الصيام”النوم” طول الليل

– يساعد على حرق السعرات الحرارية على مدار اليوم

– بيمنع اختلال السكر في الدم

– بيحد من الجوع الشديد المفاجئ

– بيقلل من احتمال تناول وجبات خفيفة مش صحية خلال اليوم أو تناول كميات كبيرة في وجبة الغدا او العشا

–  بيزيد القدرة على التركيز وبيحسن المزاج وبيقلل العصبية

 

في الواقع، الأشخاص اللي بيهتموا بوجبة الفطار ،هما أكتر أشخاص عندهم القدرةً على الحفاظ على وزن صحي من اللي  بيتخطوها .

وعادة الاشخاص اللي بيتناولوا الفطار يوميا بتكون صحتهم افضل وبيكونوا اقل عرضة للاصابة بالكوليسترول وامراض القلب عن غيرهم ،وده لأنهم بيتناولوا كميات أقل  من الدهون والوجبات السريعة خلال اليوم.

وصفة صحية لوجبة الفطار:

أهم حاجة في وجبة الفطار هى التنوع، بمعنى أن يكون فيها خليط من العناصر الغذائية الرئيسية،وهي النشويات والبروتينات والفيتامنات والدهون من مصادرها الطبيعية، زي الخبز ومنتجات الألبان والزيوت النباتية والخضار والفاكهة الطازة.

ممكن فطارنا يتكون من كوب من الحليب عليه معلقة عسل نحل، ومعاه نص رغيف من العيش البلدى و5 معالق من الفول وطبق سلطة ، وبكده يكون الفطار خفيف وفيه عناصر غذائية مختلفة تفيد جسمنا .

Share.

Comments are closed.