اشترك
like Sofy on Facebook

واجه حر الصيف

0

مع إرتفاع درجة الحرارة، بنعاني من الصداع والإرهاق كمان بنحس دايما بالعطش. لو عايز تعرف إزاي تتغلب على الحاجات دي وكمان تحافظ على نشاطك إقرا معانا الموضوع ده.

ساعد نفسك تفضل مصحصح ونشيط مع حر الصيف لما تتبع النصايح دي :

  1. قلل من الكم اللي بتأكله وزود عدد مرات الأكل، عشان تقلل من الحرارة اللي بتنتج عن حرق الجسم للأكل خصوصا البروتينات
  2. كل أكل حراق، لأن دة هيحفز مستقبلات الحرارة في فمك، وده هيخلي الدم يتدفق بصورة أكبر وجسمك يفرز العرق اللي هيقلل من درجة حرارة جسمك
  3. لما تخرج من البيت، متخليش الستاير مفرودة عشان هي هتحبس حرارة الشمس جوة البيت
  4. بالنسبة للسيدات، إستبدلي الكريم المرطب بمنتجات الألوفيرا اللي بتقلل من درجة حرارة الجسم
  5. عند الاستحمام إستخدم مية درجة حرارتها اقل من جسمك، لكن مش ساقعة عشان جسمك بيفرز حرارة عشان يرجع لحرارته الطبيعية
  6. ممكن تقوم بتمرير المية على معصم إيدك لأن فيها أوردة كبيرة هتساعد في تقليل درجة حرارة الدم

واحرص على تناول الأطعمة الصيفية دي للحفاظ على ترطيب جسمك :

  1. البروكلي : مش بس بيحميك من السرطان، لكنه مليان مية بتوصل ل91 % من وزنه
  2. التفاح : تفاحة واحدة هتحافظ على ترطيب جسمك طول اليوم، كمان الالياف الذائبة اللي بتساعد في الحفاظ على صحة الجهاز الضمي والتخلص من الدهون
  3. الكمثرى : فيها مية حوالي 80% وكمان بتحميك من السكتة الدماغية
  4. السبانخ : مليانة حديد وكما قليلة جدا في السعرات الحرارية
  5. العنب : غني بفيتامين “أ ” و”ك” وكمان مضادات الأكسدة
  6. البطيخ : 92% من وزنه ميه وهو مصدر غني بالبوتاسيوم اللي بيمنع تكون الحصوات وبيقوم بعملية تطهير للكلى وكمان الدم

 

انشرها

التعليقات مغلقه