اشترك
like Sofy on Facebook

!!هل في علاقة بين التكنولوجيا وسمنة الأطفال

0

السمنة في الأطفال انتشرت بشكل كبير الفترة اللي فاتت ، وده في خطورة على صحتهم ،لأن ليه أضرار كتيرة وممكن يسبب أمراض مزمنة زي

مرض السكر من النوع 2

إرتفاع نسبة الكوليسترول والدهون الثلاثية

أمراض القلب وتصلب الشرايين اللي ممكن يؤدي إلى سكتة قلبية أو دماغية

عرضة للأصابة بالربو

اضطرابات النوم نتيجة انقطاع النفس

مرض الكبد الدهني غير الكحولي وبيكون نتيجة تراكم الدهون في الكبد وممكن فيما بعد يسبب تلف الكبد

من عيوب التكنولوجيا للأطفال

عدم الحركة

زيادة تعرض الأطفال للتكنولوجيا يسير جنبا إلى جنب مع انخفاض النشاط البدني. لأن الأطفال لما بيقضوا وقت طويل في الجلوس أمام التلفزيون أو الكمبيوتر أو الموبايل ، بكده هيقضوا وقت أقل في الجري و اللعب وحرق بعض السعرات الحرارية. ومع مرور الوقت ، هيؤدي إلى زيادة كبيرة في الوزن

كثرة تناول الوجبات الخفيفة

زيادة الوقت اللي الطفل بيقضيه قدام  التلفزيون أو الكمبيوتر أو الموبايل ممكن يؤدي إلى زيادة تناول الوجبات الخفيفة اللي مش بتكون ليها أي فوائد غذائية للطفل وبتسبب زيادة في الوزن

!!السؤال هنا … يا ترى التكنولوجيا من أسباب إصابة الأطفال بالسمنة

التكنولوجيا أضافت للبشرية وليها مميزات كتير لأنها خدمت البشرية في مجالات مختلفة، التكنولوجيا هي واحدة من الفئات المحايدة اللي ممكن يبقى ليها جانبين سلبي وإيجابي اعتمادًا على كيفية استخدامك ليها

 وإستخدام الأطفال للتكنولوجيا بطريقة فيها شكل من الأدمان من خلال العاب الفيديو والتليفزيون والموبايل ووسائل التواصل الإجتماعي والفيديوهات المختلفة للأطفال هو ده اللي بيخلينا نشوف إن التكنولوجيا ليها عيوب وضرر أكتر من المميزات

زمان كان الأطفال لما كانوا بيشعروا بالملل ، كانوا بيقوموا يلعبوا بالكورة أو يجروا أو يلعبوا اي لعبة فيها حركة وإبتكار ، مع التكنولوجيا الألعاب أصبحت على الموبايل فالأطفال بقت تكسل تقوم وتلعب وتكتفي باللعب على الموبايل

وكمان الأهالي نتيجة إنشغالهم بضغوط العمل ،مش بيهتموا بقضاء فترات مع أطفالهم للخروج واللعب

الأطفال المفروض مايتعرضوش لأكتر من ساعتين للتليفزيون والموبايل خلال اليوم ،لأن الطفل محتاج إنه يتحرك ويلعب ولما بيكون قاعد لفترة طويلة ده بيخليه كسلان وبيفضل ياكل وهو بيتفرج أو بيلعب ؛والضرر الأكبر لو كان أكله كمان من الوجبات السريعة اللي بتكون مضرة لأنها عالية في الدهون ومنخفضة في قيمتها الغذائية ومن هنا بيكون الطفل معرض بشكل كبير للسمنة

يبقى كده الفكرة مش في التكنولوجيا ولا الموبايل أو التليفزيون لكن في دورنا إحنا كأباء وأمهات في متابعة أولادنا ، والأهتمام بيهم وبصحتهم بأننا نقدملهم

أكل صحي ونتجنب الوجبات السريعة

ننظم وقت إستخدامهم للموبايل والتليفزيون والعاب الفيديو

نوفر وقت كبير للألعاب اللي فيها حركة

ممارسة تمارين للجسم على الأقل 5 مرات في الأسبوع نص ساعة في كل مرة ، لأن الرياضة مفيدة جدا لأنها بتقوي جسمهم ومناعتهم وبتنشط الدورة الدموية

خصص وقت لأولادك تتكلم وتلعب وتخرج معاهم ،وحاول يكون موبايلك مقفول عشان متنشغلش عنهم بأي شئ

Share.

Comments are closed.