اشترك
like Sofy on Facebook

هل تغيير الجو ليه أثر على صحتك ؟؟؟

0

مع الجو المتقلب ناس كتير بتمرض، المود بيتغير. اعرف اكتر عن تأثير الجو عليك وعلى صحتك لما تقرا الموضوع ده.

امتى نقدر نقول عندك ضربة شمس؟

لو حرارة جسمك وصلت ل 40 درجة مئوية نقدر نقول عندك ضربة شمس وخلي بالك من اعراضها اللي بتكون اعياء، دوخة وصداع وسرعة التنفس وضربات القلب

وإيه تأثير الرطوبة علينا ؟

الجو الحر مع الرطوبة العالية بيخلي فيه صعوبة في النوم وبسبب التعرق الكتير بيفقد جسمك كتير من السوائل وكمان ممكن الشخص يشعر بالتوتر والعصبية بسبب الجو الحار ده

لو شخص درجة حرارة جسمه باردة إيه انسب طريقة لمساعدته ؟

اخذ حمام ساخن بيشكل خطر كبير لأنه ممكن يؤذي الجلد ويسبب عدم انتظام في ضربات القلب. افضل الحلول هو التغطية بغطاء مناسب، شرب سوائل دافية وكمان ملامست شخص حرارة جسمه طبيعية

مع دخول الشتاء… هل من المفروض ممارسة التمرينات الرياضية في أماكن مفتوحة ؟

حتى لو مكنتش بتعاني من الربو، الهواء البارد بيضيق الممرات الهوائية وده ممكن يسببلك حالة بتشبه الربو مع الشعور بضيق في الصدر والسعال

وبالنسبة لمرضي هشاشة العظام، ليه بيعانوا من آلام بالمفاصل مع دخول الشتاء ؟

مع التغير في الضغط الجوي بسبب تغير درجة الحرارة بيحصل تورم في الأنسجة وده اللي بيزود الألم

وهل الصداع النصفي ليه علاقة بالتغيرات الجوية ؟

طبعا، الهواء الحار أو شديد البرودة، الرطوبة وتغير الضغط الجوي بيسبب الصداع النصفي لكتير من الأشخاص

والحساسية بتكون في الشتاء بس؟

الحساسية من حبوب اللقاح بتظهر بوضوح في الأيام اللي بترتفع فيها درجات الحرارة لأنها بتتنقل مع اعتدال الجو ووجود رياح بسيطة

هل المناخ البارد بيساعد في خفض الوزن ؟

ده صحيح، عشان كدة بيفضل إنك متشغلش الدفاية لأن الجسم بيحرق كتير من السعرات الحرارية في الجو البارد عشان يحافظ على درجة حرارة الجسم

Share.

Comments are closed.