اشترك
Buy Neuth France products

هل الكاتشب خطر على صحة أولادنا ؟؟؟؟؟؟؟

0

مش بس الأطفال بيحبوا الكاتشب لكن الكبار كمان. ومع إن فيه فوايد كتيرة لكن طريقة تصنيعه خلت ضرره اكبر من فايدته، اعرف معانا اكتر في الموضوع ده.

الكاتشب هو مكون رئيسي لسندوتشات الأطفال، وهو ليه فوايد كتير منها :

  1. قليل الدسم والكربوهيردات : حوالي 0.1 جرام في كل ملعقة ودي نسبة ضئيلة جدا من الدهون مش بتسبب أي ضرر على الصحة، كمان نسبة الكربوهيدرات الموجودة فيه أقل من أي نوع تاني من الصوص
  2. بيحتوي علي الليكوبين : وهو مضاد للأكسدة اللي بتحمي الجسم من الجذور الحرة المسببة للسرطان، كمان بيضبط مستوى الكوليسترول بالدم
  3. بيحتوي على فيتامين “أ” : وهو مهم جدا لصحة العيون، كمان بيساعد على بناء خلايا الجلد، الأسنان والعظام كمان الاغشية المخاطية

لكن في طريقة تصنيع الكاتشب خطر كبير على الصحة ……

  • بيحتوي علي شراب الذرة عالي الفركتوز اللي بيسبب أمراض السمنة وتصلب الشرايين والسكري
  • كمان بيحتوي على كمية كبيرة جدا من السكر اللي بتعادل ضعف الكمية الموصى بها للأطفال دون سن المدارس
  • وكميات كبيرة من الصوديوم اللي بيخلي الجسم يحبس المية جواه وده بيشكل عبىء القلب والاوعية الدموية

عشان كدة بيفضل عمل الكاتشب في البيت عشان منمنعش اولادنا من الحاجة اللي بيحبوها لكن نمنع عنهم الضرر

Share.

Comments are closed.