اشترك
Buy Neuth France products

هل الرجل كمان ممكن يمر بسن اليأس ؟

0

سن اليأس كلمة بنسمعها كتير جدا و معناها السن إللى بتنقطع فيه الدورة الشهرية عن المرأة و بالتالى متقدرش تنجب أطفال بعد السن دة   وبيكون فى عمر ما بين (45 -55 ) سنة فى المتوسط ، و سن اليأس بيصاحبه بعض التغيرات الجسدية والنفسية عند المرأة ، لكن هل حد فكر إن الرجل ممكن هو كمان يعدى فى سن اليأس لو حابب تعرف أكتر عن الموضوع دة تابع معانا المقالة دى

سن اليأس عند الرجل :

ربما مش المرأة بس هى إللى بتكون معرضة لسن اليأس وبتعانى من أثار التغيرات الهرمونية فى جسمها ، فالأطباء لاحظوا إن كتير من الرجال بيعانوا من أعراض مشابهة للأعراض إللى بتعانى منها المرأة فى مرحلة انقطاع الطمث و ما قبلها

العلماء مازالوا بيتناقشوا حول فكرة هل الرجل كمان بيعدى بسن اليأس أو لأ ، اكتشف الأطباء عند اعطاء بعض الرجال المشتكين من الأعراض دى علاج تعويضى من هرمون التستوستيرون راحة من الأعراض المصاحبة لما يسمى بسن اليأس عند الرجال

إيه هى أعراض سن اليأس للرجال ؟

لأن الرجال مش بيمروا بدورة شهرية منتظمة بالمفهوم النسائى فالعلماء فضلوا انهم يطلقوا على الأعراض دى (أعراض انخفاض نسبة هرمون التستوستيرون عند كبار السن) ، الرجال بيختبروا نقص تدريجى فى هرمون الذكورة (التستوستيرون) مع تقدم العمر

نقص هرمون التستوستيرون مش بس بيحصل مع تقدم العمر لكن ممكن كمان يحصل بسبب الإصابة بمرض السكر

نقص هرمون التستوستيرون فى الجسم ممكن يؤدى للشعور بالضعف أو التعب والإكتئاب أوبعض المشكلات الجنسية

ولكن على عكس انقطاع الطمث عند النساء فانتاج هرمون التستوستيرون مش بيقف بشكل كامل عند الرجال ولكن بيقل بصورة تدريجية فقط ، لأنه على عكس المبايض عند النساء الخصيتين عندهم القدرة على انتاج المادة المسئولة عن تكوين التستوستيرون حتى مع تقدم العمر ، ومع ذلك ممكن تحصل بعض التغيرات الطفيفة عند سن 45-50 وتغيرات كبيرة فوق ال60 عند بعض الرجال

هل من الممكن علاج نقص نسبة هرمون التستوستيرون عند الرجل ؟

فى حالة نقص هرمون التستوستيرون عند الرجل يمكن أخذ علاج تعويضى يقلل من الأعراض المصاحبة لنقص الهرمون فى الجسم زى الإعياء والإكتئاب وتقص الرغبة الجنسية ، ولكن العلاج الهرمونى ممكن يكون ليه بعض المخاطر زى زيادة احتمالية الإصابة بسرطان البروستاتا

إذا كنت مهتم بالعلاج التعويضى لهرمون التستوستيرون من الممكن تستشير طبيبك عن العلاج عشان يقولك على الخطوات المناسبة ، الدكتور ممكن يديك بعض النصايح الخاصة بتغيير نمط حياتك زى نظام غذائى معين أو بعض التمرينات الرياضية أو بعض الأدوية زى مضادات الإكتئاب لمساعدتك على التغلب على الإكتئاب الناتج عن نقص هرمون التستوستيرون

Share.

Comments are closed.